ស្រ្តីមានផ្ទៃមិនគួរជក់បារីឡើយ 

សុខភាពៈ ការណែនាំបានបង្ហាញថា ស្រ្តីដែលជក់បារីក្នុងអំឡុងពេលពរពោះ នឹងផ្ដល់ផលប៉ះពាល់ដល់សុខភាពម្ដាយ និងទារកដូចជា អុកហ្ស៊ីហ្សែនបញ្ជូនពីម្ដាយ ទៅកាន់ទារកក្នុងផ្ទៃមានការថយចុះ និងអាចបណ្ដាលឱ្យទារកកើតមិនគ្រប់ខែ មានទម្ងន់ស្រាលជាងធម្មតា ឬកើតមកស្លាប់ជាដើម។ ជាមួយគ្នានេះ អ្នកជំនាញរកឃើញថា ស្រ្តីជក់បារីក្នុងអំឡុងពេលពរពោះ ទឹកដោះដែលត្រៀមទុកបំបៅកូន នឹងមានជាតិនីកូនទីន ដែលជាសារជាតិញៀនខ្លាំងបង្កប់បារី ហេតុនេះនៅពេលដែលកូនបៅដោះម្ដាយ នោះជាតិនីកូទីននឹងចូលទៅក្នុងខ្លួនទារកផងដែរ ដែលបង្កជាផលប៉ះពាល់ដល់សុខភាពទារក។ ដូច្នេះដើម្បីចៀសវាងបញ្ហាទាំងអស់នេះ ស្រ្តីគ្រប់រូបមិនគួរទទួលទានបារី ក្នុងអំឡុងពេលពរពោះឡើយ ហើយត្រូវនៅឱ្យឆ្ងាយពីកន្លែងដែលមានការបង្ហុយផ្សែងបារី ដើម្បីការពារសុខភាពទារកក្នុងផ្ទៃ រួមទាំងខ្លួនឯងផងដែរ។ 

កែសម្រួលៈ សុខក្រម-Sokhakrom

ដកស្រង់ពីៈ សុខភាព និងសម្រស់