បើខ្ញុំរឹងថ្គាម តើខ្ញុំគួរព្យាបាលបែបណាទើបមានសុវត្តិភាព? 

១. តើអ្វីជាអាការរឹងថ្គាម? 

Trismus ដែលត្រូវបានគេហៅថាជាការ រឹងថ្គាម គឺជាស្ថានភាពឈឺចាប់សាច់ដុំថ្ពាល់នៃថ្គាមក្លាយជាថយចុះ និងពេលខ្លះរលាក ធ្វើឲ្យមាត់របស់អ្នកមិនអាចបើកពេញបាន។ នៅពេលចលនានៃការបើកមាត់ត្រូវបានកម្រិត បញ្ហាមួយចំនួនអាចនឹងត្រូវបានកើតឡើងដូចជា ពិបាកទទួលទានអាហារ ពិបាកលេប បញ្ហាអនាម័យមាត់ធ្មេញ និងពិបាកក្នុងការនិយាយ។

២. រោគសញ្ញា

ជាធម្មតា មាត់អាចបើកចំហបានដោយគ្មានការឈឺចាប់អ្វីឡើយ ក៏ប៉ុន្តែ ប្រសិនបើ មាត់មិនអាចបើកចំហរបាន ឬ លំបាកបើកចំហ វាជាសញ្ញាសម្គាល់នៃការរឹងថ្គាម ដែលបូករួមទាំងរោគសញ្ញាផ្សេងទៀតមានដូចជា៖ 
• ការឈឺចាប់នៅថ្គាមទោះបីគ្មានចលនាក៏ដោយ 
• ពិបាក ឬ មិនស្រួលក្នុងការបើកមាត់ 
• អសមត្ថភាពក្នុងការទំពារ ឬ លេបអាហារមួយចំនួន 
• មានអារម្មណ៍រមួលនៅថ្គាម។

៣. តើនរណាងាយប្រឈមនឹងការរឹងថ្គាម? 

ការរឹងថ្គាក៏ត្រូវបានសង្កេតឃើញកើតមានលើក្រុមមនុស្សមួយចំនួនដូចជា៖
• អ្នកធ្លាប់បានវះកាត់មាត់ដើម្បីដកថ្គាមទាល់
• អ្នកមានជំងឺមហារីកនៅក្បាល និងក ដែលអាចពាក់ព័ន្ធនឹងរចនាសម្ព័ន្ធនៃចលនារបស់មាត់
• អ្នកធ្លាប់វះកាត់ ឬប្រើកាំរស្មីព្យាបាលនៅផ្នែកក្បាល និងក។

៤. តើយើងរឹងថ្គាមនៅពេលណា? 

រឹងថ្គាមអាចកើតឡើងនៅពេលមានការខូចខាត ឬមានរបួសប៉ះសាច់ដុំថ្គាម ដោយសារតែ៖
• របួស៖ ឧទាហរណ៍រួមបញ្ចូលទាំងនៅពេលដែលឆ្អឹងថ្គាមត្រូវបានបាក់ ឬនៅពេលដែលពួកគេមិនត្រូវបានធ្វើចលនាដើម្បីឲ្យឆាប់ជាសះស្បើយ។
• ការវះកាត់មាត់៖ ខណៈពេលរឹងថ្គាមអាចកើតបន្ទាប់ពីការវះកាត់មាត់ ជួកកាលក្រោយពេលវះកាត់ថ្គាមទាល់ ពិសេសថ្គាមទាល់ផ្នែកខាងក្រោម។ 
ការរឹងថ្គាមអាចកើតឡើងដោយសារតែការរលាក ដែលបង្កើតដោយសារការវះកាត់ ឬការពង្រីកខ្លាំងពេកអំឡុងពេលវះ ហើយក៏អាចកើតនៅពេលម្ជុលដែលចាក់ថ្នាំស្ពឹកបំផ្លាញជាលិកាដែលនៅជុំវិញផងដែរ។
• បញ្ហាសន្លាក់រ៉ាំរ៉ៃ៖ នៅផ្នែកម្ខាងនៃថ្គាមរបស់អ្នកមានផ្នែករួមគ្នាជាបណ្តោះអាសន្ន ដែលដើរតួជាចង្កេះរុញភ្ជាប់ថ្គាមទៅលលាដ៍ក្បាលរបស់អ្នកនិងអាចឲ្យអ្នកបើកនិងបិទមាត់របស់អ្នកបាន។ នៅពេលវាមិនដំណើរការភ្ជាប់អាចបណ្តាលឲ្យទៅជារឹងថ្គាម និងឈឺចាប់ ដែលភាពមិនប្រក្រតីនេះអាចកើតឡើងដោយសារ របួស រលាកសន្លាក់ ហ្សែន អាកប្បកិរិយាទាក់ទងនឹងភាពតានតឹងដូចជាខាំធ្មេញ និងសង្គ្រៀតធ្មេញ។
• ការប្រើកាំរស្មីព្យាបាលមហារីកក្បាល និងក៖ ដុំសាច់អាចប៉ះពាល់ដល់មុខងារថ្គាមអាចធ្វើឲ្យរឹងថ្គាម ប៉ុន្តែជាធម្មតាកើតឡើងដោយសារតែកាំរស្មីដែលប៉ះលើថ្គាម ដែលអាចបំផ្លាញ និងបង្កើតស្នាមដំបៅជុំវិញទីតាំងនៃសន្លាក់។

៥. ការព្យាបាល

ការរឹងថ្គាមតែងកើតឡើងម្តងម្កាល ប៉ុន្តែ វាក៏ទាមទារឲ្យមានការព្យាបាលឲ្យទាន់ពេលវេលា ដើម្បីឆាប់ជាសះស្បើយ ដោយប្រើឧបករពង្រីកថ្គាម ថ្នាំបន្ធូរសាច់ដុំ បំបាត់ការឈឺចាប់ ប្រឆាំងការរលាក ការម៉ាស្សាថ្គាម ផ្លាស់ប្តូររបបអាហារមកប្រភេទអាហារទន់ តាមការណែនាំ និងពិភាគ្សាពីគ្រូពេទ្យ។

បន្ថែមពីលើនេះដែរ ក្រៅពីការជួយព្យាបាលអាការរឹងថ្គាមដោយផ្នែកវេជ្ជសាស្រ្ត អ្នកក៏អាចជួយសម្រួលខ្លួនឯងបានផងដែរ ដើម្បីជួយបំបាត់ការឈឺចាប់ និងរារាំងវាពីការវិវឌ្ឍកាន់តែអាក្រក់។ អ្នកអាចសាកល្បងពីរ ឬបីដងក្នុងអំឡុងពេលថ្ងៃជាមួយនឹងវិធីសាស្ត្រខាងក្រោម៖ 
• ម៉ាស្សាដោយធ្វើចលនាជារង្វង់ប្រហែល ៣០ វិនាទី 
• ធ្វើចលនាថ្គាមពីឆ្វេងទៅស្តាំ ឈប់៣វិនាទី រួចធ្វើចលនាពីស្តាំទៅឆ្វេងម្តង 
• ធ្វើចលនាថ្គាមជារង្វង់ ៥ជុំឆ្វេង និង៥ជុំស្តាំ 
• បើកមាត់អ្នកឲ្យធំតាមដែលអាចធ្វើបានហើយទុករយៈពេល៣វិនាទី 
• ចៀសវាងខាំធ្មេញ ឬសង្គ្រៀតធ្មេញ។

សូមកុំស្ទាក់ស្ទើរក្នុងការជួបពិភាក្សាជាមួយគ្រូពេទ្យ ប្រសិនអ្នកមានសញ្ញាសង្ស័យខាងលើ ដើម្បីឲ្យអ្នកអាចទទួលបានការព្យាបាលសមស្រប និងទាន់ពេលវេលា៕ 

- ស្រាវជ្រាវ និង កែសម្រួលដោយ៖ សុខក្រម (Sokhakrom)