ស្វែងយល់អំពី៖ រោគសញ្ញា ញ័ររាង្គកាយ(Tremor)

ញ័រគឺជាចលនាជាចង្វាក់ ដោយអចេតនានិងមិនអាចគ្រប់គ្រងបាននៃផ្នែកណាមួយឬអវយវៈនៃរាងកាយរបស់អ្នកជំងឺដែលវាជាសញ្ញាមួយមានមូលហេតុនៅពីក្រោយជាច្រើន។ហើយប្រភេទនៃការញ័រមានពីរប្រភេទគឺនៅពេលសម្រាកនិងកំពុងធ្វើរសកម្មភាព។

មូលហេតុនៃការញ័ររួមមានដូច៖

• ថ្នាំពេទ្យដូចជាថ្នាំព្យាបាលជំងឺហឺត (theophylline និង albuterol) ។
• អស់កម្លាំងសាច់ដុំ។
• ទទួលទានជាតិកាហ្វេអ៊ីនច្រើនពេក។
• ភាពតានតឹងអារម្មណ៍។
• វ័យចំណាស់។
• កំរិតជាតិស្ករក្នុងឈាមទាប។
• ដាច់សរសៃឈាមខួរក្បាល។
• ប៉ះទង្គិចខួរក្បាល។
• ជំងឺផាកឃីនសុន( Parkinson disease)ដែលជាជំងឺដែលបណ្តាលមកពីការបាត់បង់កោសិកាខួរក្បាលដែលផលិតdopamine។
• ពិសារស្រារច្រើន។
• ជំងឺ hyperthyroidism  ជាជំងឺមួយដែលក្រពេញកររបស់ផលិតអរម៉ូនទីរ៉ូអ៊ីតច្រើនពេក។
• បញ្ហាខួរតូច។
• បញ្ហាវិបត្ដិផ្លូវចិត្ដ។

#ដោយលោកវេជ្ជបណ្ឌិត ស៊ិន សុភារ៉ា(Health Education Series)
- កែសម្រួលដោយ៖ ក្រុមការងារ សុខក្រម (Sokhakrom)

( Vadhanak Vichea Clinic-មន្ទីរសម្រាកព្យាបាលវឌ្ឍនៈវិជ្ជា )