នោមឈឺ ប៉ះពាល់ដល់សុខភាពបែបណាខ្លះ?
នោមឈឺ គឺស្តែងចេញពីភាពមិនធម្មតា ឬឈឺចាប់ អំឡុងពេលបត់ជើងតូច។ វាច្រើនកើតលើស្ត្រីច្រើនជាងបុរស ចំពោះបុរសវាច្រើនកើតលើបុរសវ័យចំណាស់។
មូលហេតុបណ្តាលមកពី៖
១.នោមឈឺ គឺជាសញ្ញាចម្បងមួយ ដែលបង្ករដោយមេរោគបាត់តេរី ជាមូលហេតុបណ្តាលឱ្យមានការរលាកផ្លូវបង្ហូរនោម។ ប្រពន្ធ័ទឹកមូត មានដូចជា បំពង់បង្ហូរនោមផ្នែកខាងក្រៅ ប្លោកនោម បំពង់បង្ហូរនោមផ្នែកខាងក្នុង និងតម្រងនោម។ ហើយការរលាកផ្នែកណាមួយនៃសរីរាង្កទាំងនោះ គឺជាមូលហេតុបង្កឱ្យឈឺចាប់អំឡុងពេលបត់ជើង។
២.ស្រ្តីកើតច្រើនជាងបុរសដោយសារបំពង់បង្ហូរនោមផ្នែកខាងក្រៅរបស់ស្រ្តីខ្លីជាងបុរស ដែលជាហេតុធ្វើឱ្យមេរោគបាក់តេរីងាយស្រួលក្នុងការធ្វើដំណើរទៅកាន់ប្លោកនោម។
- ចំពោះស្រ្តីមានផ្ទៃពោះ និងស្រ្តីក្រោយអស់រដូវ ក៏មានអត្រាខ្ពស់ក្នុងការបង្កររោគផ្លូវបង្ហូរនោមផងដែរ។
- ចំពោះបុរសការរលាក នៃក្រពេញប្រូស្តាតជាមូលហេតុបណ្តាលឱ្យនោមឈឺ, នោមក្រហាយ, និងពិបាកក្នុងការបត់ជើងផងដែរ។
៣. STD គឺជាជំងឺឆ្លងតាមការរួមភេទមេរោគដូចជា Herpes, Gonorrhea, និង Chlamydia គឺជាមូលហេតុបង្កឱ្យរលាកផ្លូវបង្ហូរនោមផ្នែកខាងក្រៅ។
រោគសញ្ញា៖
រោគសញ្ញា គឺអាស្រ័យទៅលើមូលហេតុដែលបណ្តាលឱ្យនោមឈឺ ហើយវាមានរោគសញ្ញាបន្ថែមពីការនោមឈឺ មានដូចជាបញ្ហាខាងក្រោម៖
ការរលាកប្លោកនោម បណ្តាលឱ្យ៖
- នោមញឹក
- នោមញាប់
- មិនអាចគ្រប់គ្រងការទប់នោមបាន
- ឈឺលើថ្ងាស់
- ទឹកនោមល្អក់ឬមានធុំក្លឹន
- នោមឈាម។
ការលាកតម្រងនោម បណ្តាលឱ្យ៖
- ឈឺចាប់នៅតំបន់ចង្កេះ
- ក្តៅខ្លួន
- រងាញាក់
- ក្អួតចង្អោរ
- ទឹកនោមល្អក់ ឬពណ៏តែចាស់
- នោមញឹក នោមញាប់និងនោមឈឺ
- នោមឈាម ឬនោមមានខ្ទុះ។
ការលាកផ្លូវបង្ហូរនោមផ្នែកខាងក្រៅ នឹងបង្កឱ្យ៖
- ក្រហមនឹងឈឺចាប់នៅជុំវិញបំពង់បង្ហូរនោមផ្នែកខាងក្រៅ
- មានហូរខ្ទុះ
- នោមក្រហាយនឹងឈឺចាប់ពេលនោម
- នោមដាច់ នោមដាច់ ឬស្ទះនោម។
ការលាកទ្វាមាស បណ្តាលឱ្យ៖
- ឈឺនឹងរមាស់នៅតំបន់ទ្វាមាស
- មានធ្លាក់ស
- មានធុំក្លឹន
- ឈឺចាប់អំឡុងពេលរួមភេទ និងនោមក្រហាយ នោមឈឺ។
ការធ្វើរោគវិនិច្ឆ័យ៖
ការធ្វើរោគវិនិច្ឆ័យអាស្រ័យទៅតាមមូលហេតុបង្ក
- ពិនិត្យឈាម ពិនិត្យទឹកនោម
- ក្នុងករណីសង្ស័យមានជំងឺឆ្លងតាមការរួមភេទ ត្រូវយកវត្ថុវិភាគពីកន្លែងបង្កទៅវិភាគ។
- ថតកាំរស្មី X នឹង ពិនិត្យអេកូសាស្រ្ត។
ការព្យាបាល៖
- កាព្យាបាលអាស្រ័យទៅតាមមូលហេតុបង្ក
- ក្នុងករណីជំងឺឆ្លងតាមការរួមភេទ ដៃគូរបស់អ្នកត្រូវធ្វើការព្យាបាលផងដែរ។
- ថ្នាំសំលាប់មេរោគក្នុងករណីបង្កដោយមេរោគបាត់តេរី
- ថ្នាំបំបាត់ការឈឺចាប់
ការបង្ការ៖
- ត្រូវញាំទឹកឱ្យបានច្រើន
- ចំពោះស្រ្តីបន្ទាប់ពីបន្ទោបង់រួចត្រូវជួតសំអាតពីមុខទៅក្រោយដើម្បីការពារការនាំមេរោគមកផ្នែកខាងមុខ ហើយគួរតែបត់ជើងតូចភ្លាមៗបន្ទាប់ពីរួមភេទរួច ដើម្បីបញ្ចេញមេរោគមកខាងក្រៅតាមបំពង់បង្ហូនោម។
- ស្រ្តីគួរតែសំអាតតំបន់បន្តពូជឲ្យបានស្អាតល្អ នឹងរក្សាឲ្យស្ងួត ជៀសវាងការប្រើប្រាស់សាប៊ូ ស្ព្រាយនៅតំបន់បន្តពូជ៕
បកស្រាយដោយ៖ វរជ្ជបណ្ឌិត ជីវ វ៉េងដារ៉ូត (Health Education Series)
-កែសម្រួលដោយ៖ ក្រុមការងារ សុខក្រម (Sokhakrom)
-Vandhanak Vichea Clinic-មន្ទីសម្រាកព្យាបាលវឌ្ឍនៈវិជ្ជា)
