ការថែរក្សារសុខភាពរាង្គកាយ និងផ្លូវចិត្ត គឺជារឿងសំខាន់បំផុតអាចការពារវីរុស COVID-19
បងប្អូនប្រជាពលរដ្ធយើង ភាគច្រើនបានព្យាយាមការពារខ្លួនដោយការធ្វើអនាម័យដៃ និងពាក់ម៉ាស់ជាដើម ក៏ប៉ុន្តែពួកគាត់បានភ្លេចនូវការការពារខ្លួនដ៏សំខាន់បំផុតមួយសម្រាប់ប្រឆាំងនឹងវីរុសកូវីដ១៩ (COVID-19)។
លោកវេជ្ជបណ្ឌិត ឈាង ស៊ីដេត ឯកទេសថ្លើម ក្រពះ ពោះវៀននិងឫសដូងបាត បានបង្ហាញពីហេតុ ២យ៉ាង ដើម្បីការពារជំងឺឆ្លងកូវីដ១៩ (COVIDS-19) បាន គឺការមើលថែរក្សារសុខភាពរាង្គកាយ និង ផ្លូវចិត្តរបស់យើងអោយបានល្អបំផុត។
សុខភាពរាង្គកាយ និង ផ្លូវចិត្តពិតជាមានឥទ្ធិពលយ៉ាងល្អ និងមានប្រសិទ្ធភាពបំផុតក្នុងការទប់បទល់ទៅនឹងជំងឺឆ្លងនានា រួមទាំងវីរុសថ្មីនេះផងដែរ។ សុខភាពល្អនោះមានន័យថាប្រព័ន្ធភាពស៊ាំ (Immune system) របស់យើងមានភាពខ្លាំងហើយរឹងមាំ ដែលអាចមានលទ្ធភាពឆ្លើយតប ក៏ដូចជាប្រយុទ្ធប្រឆាំងទៅនឹងការឈ្លានពានរបស់មេរោគផ្សេងៗចូលមកក្នុងរាង្គកាយរបស់យើង។
ជំងឺ COVID-19 នេះ គឺជាជំងឺឆ្លងមួយប្រភេទ ដែលមានភាពកាចសាហាវ ដោយបង្ករឱ្យមានការប៉ះពាល់ដល់ប្រពន្ធ័ផ្លូវដង្ហើមធ្ងន់ធ្ងរ ហើយអាចប៉ះពាល់ដល់អាយុជីវិតផងដែរ ដែលវាបង្ករឡើងដោយពពួកមេរោគ (Microorganisms) ដែលហៅថា Virus។ (ឧទាហរណ៍ដូចជា ផ្តាសាយធំ ស្អូច អុចស្វាយ និង ជម្ងឺកញ្ជ្រិលជាដើម) ។
ថ្វីត្បិតតែវាជាជម្ងឺថ្មីមួយ ដែលកាចសាហាវតែជាវាប្រភេទ Virus infection ដូច្នេះហើយឱសថភាគច្រើន គឺបានត្រឹមតែកាត់បន្ថយភាពធ្ងន់ធ្ងរនឹងការវិឌ្ឍន៍លឿននៃជម្ងឺ ហើយមិនមានប្រសិទ្ធខ្ពស់ក្នុងការព្យាបាលនោះឡើយ ក៏ប៉ុន្តែប្រពន្ធ័ភាពស៊ាំនៃរាង្គកាយរបស់មនុស្ស គឺដើរតួនាទីយ៉ាងចម្បងក្នុងការការពារ កាត់បន្ថយភាពកាចសាហាវរបស់មេរោគ និង កំចាត់ជម្ងឺដែរបង្ករឡើងដោយ Virus ទាំងនេះ យ៉ាងមានប្រសិទ្ធភាពបំផុត (ហើយពេលខ្លះដោយមិនចាំបាច់ប្រើថ្នាំពេទ្យព្យាបាលផង)។
ប្រពន្ធ័ភាពស៊ាំខ្លាំងល្អ គឺបានដោយសារ៖
- ការទទួលទាននូវអាហារដែលសម្បូរទៅដោយសារជាតិចិញ្ចឹមមានប្រយោជន៍ (សម្បូរ Vitamines, សាច់, បន្លែរបៃតង និង ផ្លែឈឺ ។ ល។) ។
- ទទួលទានដំណេកគ្រប់គ្រាន់ (មនុស្សពេញវ័យយ៉ាងតិច ៥ទៅ ៦ម៉ោងក្នុងមួយថ្ងៃ) ។
- ហាត់ប្រាណ លេងកីឡា និង បញ្ចេញសកម្មភាពរាង្គកាយជាប្រចាំថ្ងៃអោយបានច្រើន ។
ចំណុចសំខាន់មួយទៀតនោះ គឺថែរក្សារភាពរឹងមាំផ្នែកអារម្មណ៍ (ផ្លូវចិត្តល្អ) មិនគួរព្រួយបារម្ភខ្លាំងជ្រុលពេក ប្របូកច្របល់ ភិតភ័យស្លន់ស្លោ អំពីបញ្ហារផ្សេងៗ ឬពត៌មានមិនពិតនិងមិនច្បាស់លាស់នោះឡើយ ដែលវាអាចបង្ករអោយមានភាពតានតឹងផ្លូវចិត្ត (Stress) ដែលអាចផ្តល់ផលប៉ះពាល់យ៉ាខ្លាំងទៅដល់សុខភាពទូរទៅ (ញាំមិនបាន គេងមិនលក់ រាង្គកាយទ្រុតទ្រោម និង ប្រព័ន្ធភាពស៊ាំចុះស្រោយ) ។
ជាចុងក្រោយ ភាពភ័យខ្លាច គឺគ្រាន់តែដើម្បីប្រយ័ត្ននិងការពារខ្លួន តែយើងត្រូវប្រើភាពវ័យឆ្លាត ដើម្បីដោះស្រាយបញ្ហារប្រសើរជាង៕
បកស្រាយដោយ៖ វេជ្ជបណ្ឌិត ឈាង ស៊ីដេត ឯកទេសថ្លើម ក្រពះ ពោះវៀននិងឫសដូងបាត
កែសម្រួលដោយ៖ សុខក្រម (SokhaKrom)
