ផ្តាសាយក្នុងរដូវភ្លៀង ដែលយើងគួរយល់ដឹង
សុខភាព៖ រដូវភ្លៀង ជារដូវដែលមនុស្សងាយឆ្លងជំងឺផ្តាសាយធំ ជាពិសេសេកុមារតូចៗ។
អ្នកជំងឺផ្តាសាយធំ ភាគច្រើនបានបង្ហាញនូវរោគសញ្ញា ដូចជា គ្រុនក្តៅលើសពី ៣៨,៥អង្សាសេ ក្អក ក្អកស្ងួត ឈឺក ហៀរសំបោរ ឈឺក្បាល អស់កម្លាំងងងុយដេក និងករណីខ្លះអាចវិវឌ្ឍទៅហត់។
ដើម្បីការពារពីការចម្លងទៅអ្នកដ៏ទៃ យើងគួរតែ៖
- ប្រើក្រមាខ្ទប់មាត់ និងពាក់ម៉ាស់ នៅពេលក្អក ឬកណ្តាស
- មិនត្រូវខាកស្តោះពាសវាពាសកាល
- ត្រូវលាងដៃជាមួយសាប៊ូឱ្យបានស្អាតជានិច្ច ដើម្បីការពារមេរោគ មិនឱ្យឆ្លងទៅអ្នកដទៃបាន។
ចំពោះការព្យាបាល វិធីងាយដែលលោកអ្នកអាចអនុវត្តបាននៅផ្ទះ មានដូចជា ប្រើថ្នាំបញ្ចុះកម្តៅ ផឹកទឹកឱ្យបានច្រើន គេងលក់ស្កប់ស្កល់ កាត់បន្ថយការហាត់ប្រាណ និងបរិភោគអាហារដែលសម្បូរជីវជាតិ ជាពិសេសវីតាមីនសេ។
សូមចំណាំ៖ ក្នុងករណី អនុវត្តការព្យាបាលនេះ រយៈពេល ៣ថ្ងៃហើយ មិនធូរស្រាល ឬវិវឌ្ឍទៅជាហត់ខ្លាំង សូមទៅពិគ្រោះជំងឺជាមួយគ្រូពេទ្យជាបន្ទាន់ ដើម្បីទទួលបានការពិគ្រោះ និងព្យាបាលជាសះស្បើយទាន់ពេលវេលា៕
កែសម្រួលដោយ៖ សុខក្រម-Sokhakrom
