ផលប៉ះពាល់ដែលបណ្ដាលមកពីកត្តាធាត់ជ្រុលរបស់ក្មេង
សុខភាព៖ កុមារ ឬក្មេងដែលធាត់ជ្រុល គឺមិនមែនជាការល្អនោះទេ។ ការទទួលទានចំណីអាហារ ដែលគ្មានការគ្រប់គ្រងត្រឹមត្រូវ និងចេះតែបណ្ដោយតាមការស្រេកឃ្លានរបស់ក្មេង នឹងធ្វើឱ្យពួកគេប្រឈមបញ្ហាជម្ងឺមួយចំនួន។
- ប៉ះពាល់ដល់ដំណើរការរំលាយជាតិស្ករក្នុងរាងកាយ បង្កឱ្យលើសជាតិស្ករ ក្លាយទៅជាជម្ងឺទឹកនោមផ្អែម។
- ស្ថិតក្នុងកត្តាប្រឈមនឹងជម្ងឺកាចសាវមួយចំនួន ដូចជា ជម្ងឺបេះដូង និងជម្ងឺទឹកនោមផ្អែមជាដើម។ ប្រភពនៃជម្ងឺកាចសាហាវទាំងអស់នេះ រួមមានសម្ពាធឈាមឡើងខ្ពស់, កម្រិតជាតិស្ករក្នុងឈាមខ្ពស់, មានជាតិកូឡេស្តេរ៉ូលខ្ពស់ និង មានខ្លាញ់ច្រើននៅក្នុងពោះ។
- មានសម្ពាធឈាម និងកម្រិតកូឡេស្តេរ៉ូលឡើងខ្ពស់ អាចនឹងមានការវិវត្តន៍ នូវជម្ងឺលើសសម្ពាធឈាម។
- សម្រាប់ក្មេងស្រីដែលធាត់ គឺមានវដ្តឈាមរដូវមុនពេលកំណត់។
- គេងមិនលក់ និងគេងលក់ច្រើនតែស្រម៉ុកខ្លាំងខុសពីធម្មតា។
- ប្រឈមនឹងជម្ងឺហឺត និងបញ្ហាទាក់ទងនឹងប្រព័ន្ធដកដង្ហើម។
– កែសម្រួលៈ សុខក្រម-Sokhakrom
– ដកស្រង់ពីៈ សុខភាពក្នុងស្រុក
