ល្ហុងទុំ ផ្សំធ្វើជាម៉ាសបិតមុខ ជួយឱ្យផ្ទៃមុខសស្អាតតាមបែបធម្មជាតិ

សុខភាព៖ ល្ហុងទុំ ជាផ្លែឈើផ្ទុកនូវវីតាមីន A, E និង C រួមទាំងសារធាតុប្រឆាំងរ៉ាឌីកាល់សេរី និងអង់ហ្ស៊ីមដែលជួយបង្កើតកោសិកាស្បែកថ្មី ផ្ដល់ជាតិសំណើមដល់ស្បែក និងជួយធ្វើឱ្យស្បែកទន់ភ្លឺថ្លាផងដែរ។ 

ដោយសារតែល្ហុងទុំផ្ទុកវីតាមីន និងសារជាតិជំនួយដល់ស្បែកបែបនេះហើយ ទើបផ្លែល្ហុងទុំត្រូវបានណែនាំឱ្យយកមកធ្វើជាម៉ាសបិតមុខ។ 

អត្ថប្រយោជន៍ដែលទទួលបានពីម៉ាសផ្លែល្ហុង៖

- កម្ចាត់ភាពខ្មៅកខ្វក់លើផ្ទៃមុខ 

- ជួយបណ្ដុះកោសិកា

- បង្កើនសំណើមដល់ស្បែកមុខ  

- ទប់ស្កាត់បញ្ហាជ្រីវជ្រួញលើផ្ទៃមុខ

- ធ្វើឱ្យស្បែកមុខសភ្លឺថ្លា ទន់ និងរលោង

ខាងក្រោមនេះជាការណែនាំពីវិធីធ្វើម៉ាសបិតមុខផ្សំពីល្ហុងទុំ និងការអនុវត្ត៖ 

គ្រឿងផ្សំ៖ 

- ល្ហុងទុំ 

- ស្ករស

- គ្រឿងផ្សំទាំងពីរខាងលើប្រើតែក្នុងបរិមាណសមល្មមបានហើយ (ល្មមលាបលើផ្ទៃមុខរបស់លោកអ្នកបានសព្វល្អ) 

វិធីធ្វើ៖

- ជាដំបូងសូមយកល្ហុងទុំកិនឱ្យម៉ដ្ឋ រួចដាក់ស្ករសលាយជាមួយគ្នាឱ្យសព្វ។ 

- លាងផ្ទៃមុខឱ្យស្អាត រួចយកល្បាយដែលលាយហើយនោះ លាបលើផ្ទៃមុខទុកចោលរយៈពេល ២០ នាទី ទើបលាងសម្អាតវិញជាការស្រេច។ 

- សូមអនុវត្តវីធីនេះឱ្យបាន ១ ដង ក្នុង ១ សប្ដាហ៍។ 

- ស្រាវជ្រាវ និងកែសម្រួលដោយ៖ សុខក្រម-Sokhakrom

- ប្រភព៖ ព័ត៌មានក្នុងស្រុក និងបរទេស