ភេសជ្ជៈដែលមិនគួរទទួលទានមុនចូលគេង 

សុខភាព៖ មុនពេលចូលគេង លោកអ្នកមិនគួរទទួលទាន ភេស្ជៈដែលមានជាតិអាស៊ីតកាបូន(ជាតិហ្គាស) នោះទេ ព្រោះវាធ្វើឱ្យប៉ះពាល់ដល់ដំណេក នឹងប្រឈមបញ្ហាសុខភាពថែមទៀតផង។

ដោយសារតែ ភេសជ្ជៈប្រភេទនេះ ផ្ទុកសារធាតុផ្អែម (ស្ករ) ច្រើន ជាហេតុធ្វើឱ្យជាតិស្ករក្នុងខ្លួនឡើងខ្ពស់ ប្រឈមនឹងជំងឺដែលបណ្ដាលមកពីជាតិស្ករឡើងខ្ពស់ ដូចជា លើសឈាម ទឹកនោមផ្អែមជាដើម។

ជាមួយគ្នានេះ ការពិសាភេសជ្ជៈជាតិអាកុល (ស្រា) កាហ្វេអ៊ីន និងទឹកសូកូឡា គួរតែកាត់បន្ថយ ឬបើអាចកុំទទួលទានមុនពេលរៀបនឹងចូលគេង ព្រោះវាធ្វើឱ្យប៉ះពាល់ដល់ដំណេក និងសុខភាព លើកលែងតែមានករណីផ្សេង ដែលមានការណែនាំពីអ្នកជំនាញសុខភាព កំណត់ឱ្យពិសាក្នុងបរិមាណណាមួយ មុនពេលចូលគេង៕ 

-កែសម្រួលៈ សុខក្រម - Sokhakrom

-ដកស្រង់ពីៈ សុខភាព និង សម្រស់