ស្រ្តីគួរស្វែងយល់ពីថ្ងៃពិសេសរបស់ខ្លួន
សុខភាពៈ ថ្ងៃពិសេសរបស់ស្រ្តី (ថ្ងៃរដូវ) គឺសំដៅលើការរបេះធ្លាក់នៃស្រទាប់ភ្នាសស្តើងនៅក្នុងតួស្បូន។ ការរបេះធ្លាក់នេះ បង្កបានជាការហូរឈាមយឺតៗ ចេញពីតួស្បួនតាមទ្វារមាសជារៀងរាល់ខែ ជាទូទៅការហូរឈាមនេះមានរយៈពេលពី ៣ ទៅ ៥ថ្ងៃជាធម្មតា។
-ជាធម្មតាក្មេងស្រីគ្រប់ការ គឺមានការធ្លាក់ឈាមរដូវ ក្នុងចន្លោះអាយុ ១២ ទៅ ១៣ឆ្នាំ តែធ្លាក់មកជាលើកដំបូងមានសភាពយឺតយ៉ាវ។ ប៉ុន្តែក្មេងស្រីខ្លះអាយុត្រឹមតែ ៩ ទៅ ១០ឆ្នាំ ក៏មានរដូវដែរ។ ដោយឡែកក្មេងស្រីខ្លះៗទៀត អាចពន្យាពេលរហូតដល់អាយុ ១៥ - ១៦ឆ្នាំ ទើបមានរដូវ។ ក្នុងករណីនេះ ប្រសិនបើក្មេងស្រីអាយុ ១៦ ឆ្នាំហើយ មិនឃើញមានរដូវ អាណាព្យាបាលត្រូវនាំក្មេងស្រីនោះ ទៅពិគ្រោះជាមួយគ្រូពេទ្យជំនាញ។
-ក្នុងអំឡុង ២ ឬ ៣ ឆ្នាំ ដំបូង ការធ្លាក់ឈាមរដូវរបស់ក្មេងស្រី ច្រើនតែមិនទៀងទាត់នោះទេ ព្រោះរូបរាងកាយ ផ្លូវអារម្មណ៍ និងគំនិតរបស់គេ ផ្លាស់ប្ដូរនិងប្រែប្រួលជានិច្ច។
-ស្ត្រីឆាប់មករដូវក្នុងវ័យក្មេង ក៏ឆាប់អស់រដូវវិញដែរ ប៉ុន្តែករណីខ្លះ ការអស់រដូវអាចទាក់ទងនឹងបញ្ហាសុខភាពរបស់ស្រ្តីផងដែរ។
-ស្រ្តីដែលចាប់ផ្ដើមមានរដូវហើយ និងបន្តមានរដូវរហូតទាល់តែរូបនាងអស់រដូវ ហើយនឹងចាប់ផ្ដើមមានរដូវវិញ នៅអាយុចន្លោះពី ៤៥ ដល់ ៥៥ ឆ្នាំ។ ដោយឡែក ស្រ្តីមានផ្ទៃពោះនឹងអស់រដូវមួយរយៈ លុះសម្រាលកូនរួចហើយ ទើបចាប់ផ្ដើមមានរដូវដូចធម្មតាឡើងវិញ។
-ស្រ្តីពេញវ័យមានវគ្គរដូវនៅចន្លោះពី ២១ ទៅ ៣៥ថ្ងៃ ប៉ុន្តែចំពោះក្មេងស្រីជំទង់វិញ វគ្គរដូវគឺក្នុងចន្លោះពី ២១ថ្ងៃ ទៅ ៤៥ថ្ងៃ។ ក្នុងករណីរដូវមិនទៀត គឺរដូវមកតិចជាង ២១ថ្ងៃ ឬលើសពី ៣៧ថ្ងៃឡើងទៅ ស្ត្រីនោះត្រូវតែមកពិគ្រោះជាមួយវេជ្ជបណ្ឌិតជំនាញ។
- ស្រ្តីដែលធ្លាក់ឈាមក្នុងអំឡុងពេល ដែលខ្លួនអស់រដូវហើយ គេមិនហៅថា ឈាមរដូវទេ តែវាអាចជាជំងឺមហារីកស្រទាប់ស្តើងរបស់ស្បូននៅផ្នែកខាងក្នុងស្បូន មហារីកមាត់ស្បូន រលាកមាត់ស្បូន ដុះដុំសាច់ក្នុងមាត់ស្បូន ឬបើមិនដូច្នោះទេ អាចបណ្ដាលមកពីប្រដាប់ភេទប៉ះទង្គិច និងរបួសជាដើម។
- កែសម្រួលៈ សុខក្រម-Sokhakrom
- ដកស្រង់ពីៈ សុខភាព និង សម្រស់
