តើអ្វីជាជំងឺងងឹតពណ៌?

១. និយមន័យ និងសញ្ញាសម្គាល់

ងងឹតពណ៌ ឬខ្វាក់ពណ៌ ជាភាពខ្វះខាត ឬអសម្ថភាពរបស់ភ្នែកក្នុងការកំណត់ប្រភេទពណ៌។ អ្នកជំងឺខ្វាក់ពណ៌ពិបាកក្នុងការកំណត់ ឬមិនអាចបែងចែក និងងាយច្រឡំពណ៌បាន ដូចជា ពណ៌ខៀវ និងលឿង ឬពណ៌ក្រហម និងពណ៌បៃតង។ ខ្វាក់ពណ៌ជាលក្ខខណ្ឌតំណពូជដែលច្រើនកើតញឹកញាប់លើបុរសជាងស្ត្រី។

២. មូលហេតុនៃជំងឺងងឹតពណ៌

មូលហេតុ ក៏ដូចជាកត្តាហានិភ័យមួយចំនួននៅពីក្រោយជំងឺងងឹតពណ៌ រួមមាន៖
• កត្តាតំណពូជ
• មានជំងឺ Parkinson 
• មានជំងឺបាយភ្នែក
• ការប្រើថ្នាំ (ថ្នាំប្រឆាំងការប្រកាច់ជាដើម)
• ប្រភេទជំងឺបង្កពីហ្សែននៃសរសៃអ៊ុបទិក
• Kallman’s syndrome
• ការរងរបួស ឬមានការបំផ្លាញទីតាំងនៃខួរក្បាលដែលទទួលខុសត្រូវក្នុងគំហើញ។

៣. ដំណោះស្រាយនៃជំងឺងងឹតពណ៌

អ្នកជំងឺងងឹតពណ៌មិនអាចព្យាបាលឲ្យជាសះស្បើយបានឡើយ ប៉ុន្តែអ្នកជំងឺមួយចំនួនអាចប្រឹក្សាជាមួយគ្រូពេទ្យលើជម្រើសនៃការប្រើប្រាស់លែន ឬវ៉ែនតាពិសេសពាក់ ដើម្បីសម្រួលការបែងចែកពណ៌កាន់តែប្រសើរឡើង៕ 

- ស្រាវជ្រាវ រៀបរៀង និងកែសម្រួលដោយ៖ ក្រុមការងារ សុខក្រម (Ms.DN)