ការធ្វើរោគវិនិច្ច័យ នឹងការព្យាបាលតាមលក្ខណះគ្រប់ជ្រុងជ្រោយ
សព្វថ្ងៃនេះ ការអនុវត្តវិស័យលើសុខាភិបាលទូទាំងពិភពលោកដែលជារបកគំហើញថ្មីដើម្បីឆ្លើយតមទៅនឹងបញ្ហាសុខភាពដែលយើងអនុវត្តន៍តាមចំនុច៤ធំៗ៖
- Functional Medicine
- Conventional Medicine
- Regenerative Medicine
- Integrative Medicine
បទន្ទឹមនឹងការអនុវត្តបែប ៤ ចំនុចខាងលើនេះផងដែរ យើងឃើញថាវាមាន ចំនុចធំៗខុសគ្នា៥ ដូចជា៖
១. រយះពេលនៃការពិគ្រោះយោបល់ជាមួយគ្រូពេទ្យនឹងអ្នកជំងឺ
ការអនុវត្តន៍ផ្នែក Conventional Medicine ជាទូទៅការចំណាយពេលរវាងគ្រូពេទ្យនឹងអ្នកជំងឺគឺមិនសូវជាចំណាយពេលបានយូរប៉ុន្មានទេ អ្នកជំងឺខ្លះចំណាយពេលជាមួយគ្រូពេទ្យត្រឹមកន្លះម៉ោង ខ្លះទៀត២០នាទី ហើយខ្លះទៀតអាចនឹងក្រោម១០នាទីទៀត វាផ្ទុយទៅនឹងការអនុវត្តន៍ផ្នែក Integrative Medicine នឹង Functional Medicine ដែលជាទូទៅគ្រូពេទ្យចំណាយពេលយូរជាមួយអ្នកជំងឺ អ្នកជំងឺខ្លះ១ម៉ោង ហើយអ្នកជំងឺខ្លះរហូតដល់២ម៉ោងផងដែរ។
២. ការខុសគ្នាលើផ្នែកប៉ារ៉ាគ្លីនិក
Conventional Medicine នឹង Functional Medicine ជាទូទៅផ្ដោតទៅលើការធ្វើការពីតម្លៃនៃការងាររបស់សរីរាង្គទាំងមូល ឧទាហរណ៍ថា ការធ្វើតេស្ដឈាម តេស្ដទឹកនោមជាដើម។ ក្នុងករណីខ្លះ នៅពេលដែលគេចង់ដឹងបញ្ហាក្នុងខ្លួនយើងគេធ្វើអ៊ីម៉ាសារីដែលយើងអាចនិយាយបានថា រូបភាពវិជ្ជសាស្ដ្រ។ ចំណែកឯខាង Integrative Medicine គេអាចធ្វើតេស្ដបានដូចគ្នា ប៉ុន្ដែក្នុងករណីខ្លះក្រោយពីការធ្វើតេស្ដរួចអ្នកជំងឺនៅតែមានអារម្មណ៍ថាមិនស្រួលខ្លួន អស់កម្លាំង ពិបាកងើបនៅពេលព្រឹកឡើង...សរីរាង្គជារួមមើលទៅល្អ ប៉ុន្ដែគាត់អាចមានវិបត្តិលើកោសិកាសរីរាង្គណាមួយ ក្នុងករណីបែបនេះ Integrative Medicine គឺគេធ្វើតេស្ដថាមពលនៅក្នុងខ្លួនរបស់យើងដោយពិនិត្យសរីរាង្គណាមួយដែលមានបញ្ហា។ នៅពេលដែលយើងមិនបានព្យាបាល រួមទាំងកត្តាការរស់នៅនឹងការហូបចុកដែលនោះ វានឹងបណ្ដាលអោយសរីរាង្គទាំងមូលយើងខូចផងដែរ។
៣. Conventional Medicine ដែលយើងអាចហៅម៉្យាងទៀតថា ប្រូតូខូលបេស មានន័យថា ការប្រើប្រាស់ថ្នាំទៅតាមប្រូតូខូល ដែលជាទូទៅគេសំដៅទៅលើការព្យាបាលដើម្បីបំបាត់រោគសញ្ញាឫបន្ថយរោគសញ្ញា។
៤. ការខុសគ្នាមួយទៀត គឺការខុសគ្នារវាង Lifestyle Intervention នៅក្នុង Conventional Medicine គឺគេមិនសូវបានចាត់ទុកជា Lifestyle Intervention ព្រោះថាក្រោយពីពិគ្រោះយោបល់រួច គ្រូពេទ្យមិនបានមិនបានអនុវត្តន៍នៅកន្លែងផ្ទាល់ទេ មានន័យថាបន្ទាប់ពីណែនាំអោយទៅជួបគ្រូពេទ្យដូចជាពេទ្យចំណីអាហារជាដើមដែលធ្វើអោយបាត់បង់ការដាមដានជាប្រចំរបស់អ្នកជំងឺខុសគ្នាពី Integrative Medicine នឹង Functional Medicine ដែលព្យាបាលនៅនឹងកន្លែងផ្ទាល់តែម្ដង។
៥. ការស្ដាប់មតិពីអ្នកជំងឺ ដើម្បីតម្រង់ទិសអ្នកជំងឺដើម្បីជួបជាមួយគ្រូពេទ្យជំនាញនឹងមានប្រសិទ្ធភាព៕
- បកស្រាយដោយ៖ វេជ្ជបណ្ឌិត លី សង់គី
- យកបទសម្ភាសន៍ រៀបរៀង និងកែសម្រួលដោយ៖ ក្រុមការងារ សុខក្រម (Sokhakrom)
« បើលោកអ្នកចង់ដឹងកាន់តែច្បាស់អំពី ការធ្វើរោគវិនិច្ច័យ នឹងការព្យាបាលតាមលក្ខណះគ្រប់ជ្រុងជ្រោយ សូមទំនាក់ទំនងមកកាន់ មន្ទីរសម្រាកព្យាបាល រីជេណឺរេធីវ 21+ »
