ស្វែងយល់អំពី៖អាហារសសៃ (Fiber)

អាហារសសៃ (Fiber) គឺជាផ្នែកមួយនៃផ្លែឈើ និងបន្លែ ដែលមិនអាចកិនរំលាយបាន ហើយវាមាននាទីយ៉ាងសំខាន់ក្នុងការរំលាយអាហារ ជួយបង្កើនល្បឿននៃការដឹកនាំអាហារ កាត់បន្ថយខ្លាញ់ក្នុងសារពាង្គកាយ និងជួយការពារប្រព័ន្ធរាងកាយ។

២) Fiber ត្រូវបានចែកជាពីរប្រភេទ គឺ Soluble Fiber និង Insoluble Fiber ៖

+ Soluble Fiber ៖

- បំបែកយឺត វាជួយអោយរាងកាយស្រូបវីតាមីននិងសារធាតុរ៉ែសំខាន់ពីចំណី អាហារ។

- រលាយក្នុងទឹក ក្នុងពោះវៀនធំ និងជាទម្រង់ Gel។

- ជួយកាត់បន្ថយបរិមាណខ្លាញ់សរុបនិង ខ្លាញ់អាក្រក់ (LDL) ជួយអោយប្រសើរនៃកម្រិតស្ករក្នុងឈាមសម្រាប់អ្នកជម្ងឺទឹកនោមផ្អែមប្រភេទទី២។

+ Insoluble Fiber

- មិនរលាយក្នុងទឹក ប៉ុន្ដែវាជួយបង្កើនការដឹកនាំកាកសំណល់ពីក្នុងពោះវៀនបានល្អ។

- បន្ថយហានិភ័យទាក់ទងនិងជម្ងឺបេះដូង ជួយទប់ស្ក្កាត់ការវិវត្តន៍របស់ជម្ងឺបេះដូង ជាពិសេសសម្រាប់

  អ្នកដែលប្រឈមនិងជម្ងឺបេះដូង។

- ជួយបង្ការពីការទល់លាមក និងជួយឱ្យការបញ្ចេញជាតិពុលពីពោះវៀនធំបានល្អ។

៣) កំរិតប្រើ

យោងតាម សមាគមបេះដូងអាមេរិក (The American Heart association) បានបង្ហាញថា៖  

+ កម្រិតប្រើចំពោះស្រ្ដីគឺ ២៥ក្រាម រីឯបុរសមាន ៣៨ក្រាម

+ ចំពោះមនុស្សវ័យចាប់ពី ៥០ឆ្នាំ គឺសម្រាប់ស្ដី្រ ២១ក្រាម និងសម្រាប់បុរសមាន

  ៣០ក្រាម

+ សម្រាប់កុមារ និងមនុស្សពេញវ័យ គឺ ១៤ក្រាមក្នុង ១០០០កាឡូរី

៤) សារៈប្រយោជន៍

តាមការសិក្សាមួយដែលបានចុះផ្សាយនៅក្នុងឆ្នាំ២០០៩

+ Soluble fiber បានចូលរួមចំណែកក្នុងការធ្វើឱ្យប្រសើរឡើងសម្រាប់ជម្ងឺទឹកនោមផ្អែមប្រភេទទី២  ដោយមានសកម្មភាពទៅបន្ថយស្ករក្នុងឈាម ទាំងមុនពិសារអាហារ និងក្រោយអាហារ និងចូលរួមចំណែកក្នុងជម្ងឺបេះដូងផងដែរ។

+ ជួយកាត់បន្ថយកត្ដាប្រឈម នៃការជម្ងឺស្ទះសរសៃបេះដូង ជម្ងឺដាច់សរសៃ ឈាមខួរក្បាល ជម្ងឺលើសសម្ពាធឈាម ជម្ងឺទឹកនោមផ្អែម លើសទម្ងន់ និងជម្ងឺប្រព័ន្ធរំលាយអាហារ។

+ ការបរិភោគ Fiberធ្វើឱ្យសម្ពាធឈាមដើរបានល្អ និងបញ្ជុះខ្លាញ់។

+ ការបរិភោគ Soluble Fiber ជួយឱ្យអាំងស៊ុយលីន មានដំណើរការល្អ សម្រាប់អ្នកជម្ងឺទឹកនោមផ្អែម និងអ្នកគ្មានជម្ងឺទឹកនោមផ្អែម។

+ការបរិភោគ Fiber ជួយឱ្យជម្ងឺក្រះពោះវៀនបានប្រសើរឡើង ដូចជា ការច្រាល់អាស៊ីត ក្រពះ ដំបៅពោះវៀនតូច ទល់លាមក ឬសដូងបាត និងការរលាកដុំពកពោះវៀនតូច៕

#បកស្រាយដោយ៖ លោកវេជ្ជបណ្ឌិត ឃួន សតិកា (Health Education Series)

-កែសម្រួលដោយ ៖ ក្រុមការងារ សុខក្រម (Sokhakrom)

(Vadhanak Vichea Clinic-មន្ទីរសម្រាកព្យាបាលវឌ្ឍនៈវិជ្ជា)