ខ្លីៗអំពី៖ ផលវិបាកនៃការលើសជាតិអាស៊ីត ដែលព្យាបាលមិនបានត្រឹមត្រូវ

មានមនុស្សជាច្រើននាក់ ដែលមានលើសជាតិអាស៊ីតក្នុងឈាម ហើយមិនបានតាមដាន និងព្យាបាលឱ្យបានត្រឹមត្រូវនោះឡើយ ពីព្រោះពួកគេមួយចំនួនដែលលើសជាតិអាស៊ីតខ្លះ គឺមិនមានរោគសញ្ញាស្តែងចេញនោះទេ រហូតទាល់តែចាប់ផ្តើមមានផលវិបាកនៃការលើសជាតិអាស៊ីតនៅក្នុងឈាមតែម្តង។

ក្នុងចំនោមផលវិបាកនៃការលើសជាតិអាស៊ីតដែលកើតឡើងជាចម្បងគឺ៖

• ធ្វើឱ្យរលាកសន្លាក់ (Gouty arthritis)៖ វាមានរោគសញ្ញាដូចជា ហើម ឈឺ ក្តៅ និងក្រហមសន្លាក់ ឬករណីខ្លាំងអាចឡើងពកកំណកកំបោរជាដុំនៅលើសន្លាក់។
• បណ្តាលឱ្យមានគ្រួសតម្រងនោម ដែលអាចបណ្តាលឱ្យឈឺចង្កេះ កកិតផ្លូវនោម និងអាចស្ទះផ្លូវនោម ដោយសារគ្រួសជាតិអាស៊ីតនេះ។
• ធ្វើឱ្យមានការប៉ះពាល់ដល់មុខងារតម្រងនោម និងធ្វើឱ្យខ្សោយតម្រងនោមផងដែរ។
• អាចប៉ះពាល់ដល់សរសៃឈាមបេះដូង ឬស្ទះសរសៃឈាម។

ដូច្នេះ ដើម្បីការពារពីផលវិបាកទាំងឡាយ នៃការលើសជាតិអាស៊ីត គប្បីពិនិត្យ និងតាមដានសុខភាពឱ្យបានជាប្រចាំ និងទទួលការពិភាក្សាព្យាបាលឱ្យបានត្រឹមត្រូវ៕

បកស្រាយដោយ៖ វេជ្ជបណ្ឌិត សុខ ពុទ្ធី (Health Education Series)
-កែសម្រួលដោយ៖ ក្រុមការងារ សុខក្រម (Sokhakrom)
-Vandhanak Vichea Clinic-មន្ទីសម្រាកព្យាបាលវឌ្ឍនៈវិជ្ជា)