ស្រ្តីមានផ្ទៃពោះ គួរតែជួបគ្រូពេទ្យជាបន្ទាន់ បើមានរោគសញ្ញាទាំងនេះ

(សុខភាព)៖ ដើម្បីចៀសវាងមានគ្រោះថ្នាក់ដល់ម្ដាយ និងទារកក្នុងផ្ទៃ ស្រ្តីមានផ្ទៃពោះទាំងអស់ត្រូវមកជួបគ្រូពេទ្យជាបន្ទាន់ ប្រសិនបើខ្លួនចេញរោគសញ្ញាមួយចំនួនដូចបានរៀបរាប់។

រោគសញ្ញាទាំងនោះ រួមមាន៖

• បើសិនជាមានអាការៈឈឺចាប់ខ្លាំងភ្លាមៗ នៅក្នុងពោះ
• ចលនាកូនមានការផ្លាស់ប្តូរ ពីខ្លាំងមកខ្សោយ ឬមិនកម្រើកសោះនៅក្នុងផ្ទៃ
• ម្តាយក្អួត ឬរាគ រយៈពេល ២៤ម៉ោង ឬច្រើនជាងនេះ
• កែវភ្នែកចេញស្នាមអុជៗ ចេញសរសៃដូចផ្លែកបន្ទោល ឬព្រាល មើលមិនសូវច្បាស់
• ហើមមុខ ដៃ ជើង កជើង ខ្លាំង ហើយកើតឡើងភ្លាមៗ
• ហើមជុំវិញភ្នែក ជាពិសេសពេលក្រោកពីគេង
• មានការឈឺចាប់នៅពេលនោម
• ក្នុងខ្លួនមានសីតុណ្ហភាពលើសពី ៣៧.៧អង្សាសេ
• ហូរឈាមតាមទ្វារមាសច្រើនខុសពីប្រក្រតី។

ដូច្នេះ សូមអ្នកម្តាយទាំងអស់ ដែលមានសង្កេតឃើញមានរោគសញ្ញាបែបនេះ ត្រូវទៅជួបគ្រូពេទ្យជាបន្ទាន់ ដើម្បីចៀសវាងបង្កគ្រោះថ្នាក់ដល់ម្ដាយ និងកូន៕