យល់ដឹងខ្លីៗអំពី៖ ដុំគីសទឹកនៅលើសន្លាក់ឬសរសៃពួរ

សុខភាព៖ ដុំគីសទឹកដែលមានឈ្មោះថា Ganglion Cyst  គឺជាថង់ថ្នក់ទឹកមួយដែលកើតនៅលើសន្លាក់ឬសរសៃពួរ ហើយភាគច្រើនគឺច្រើនកើតនៅលើ កដៃ សន្លាក់ម្រាមដៃ និងនៅលើម្រាមជើង។ ប៉ុន្តែវាក៏អាចកើតមាននៅច្រើនកន្លែងផ្សេងទៀតផងដែរ ដូចជា នៅជង្គង់ ស្មា និងឆ្អឹងកជាដើម។

រោគសញ្ញានៃគីស Ganglion Cyst

✓ អាចឡើងប៉ោងហើម

✓ អាចឈឺនៅកន្លែងដែលមានគីសនេះ ឬករណីខ្លះ គឺមិនមានការឈឺចាប់ទេ

✓ ករណីខ្លះ អាចពិបាកក្នុងការធ្វើចលនាសន្លាក់

ការកំណត់រោគវិនិច្ឆ័យ

✓ ក្រុមគ្រូវពេទ្យនឹងធ្វើការពិនិត្យផ្ទាល់ទៅលើដុំគីស

✓ ពិនិត្យថតឆ្លុះអេកូឬ MRI

ការព្យាបាល

✓ ដុំគីសនេះមួយចំនួនអាចបាត់ទៅវិញដោយមិនចាំបាច់ព្យាបាលទេ។

✓ បើសិនមានរោគសញ្ញាឬមិនបាត់ទៅវិញហើយធ្វើឲ្យមានការប៉ះពាល់ដល់បែបបទនៃការរស់នៅប្រចាំថ្ងៃ ក្រុមគ្រូពេទ្យនឹងធ្វើការព្យាបាលដោយ ធ្វើការចុះបូមទឹកគីសឬត្រូវវះកាត់យកដុំគីសចេញ។

ដូច្នេះ គួរតែពិនិត្យនឹងតាមដានឲ្យបានត្រឹមត្រូវជាមួយក្រុមគ្រូពេទ្យជាមុនសិន៕

-បកស្រាយដោយ៖ វេជ្ជបណ្ឌិត សុខ ពុទ្ធី (Health Education Series)

-កែសម្រួលដោយ៖ ក្រុមការងារ សុខក្រម (Sokhakrom)

-Vandhanak Vichea Clinic-មន្ទីសម្រាកព្យាបាលវឌ្ឍនៈវិជ្ជា)