តើអ្វីជា ជំងឺផ្តាសសាយ ? 

១. និយមន័យ 

ជំងឺ ផ្ដាសសាយ(Common cold ) គឺជាការបង្ករោគដោយមេរោគវីរ៉ុស នៅផ្លូវដង្ហើមផ្នែកខាងលើ, ជាទូទៅវាមិនមានផលប៉ៈពាល់ធ្ងន់ធ្ងរនោះទេ ហើយក្នេងអាយុក្រោយ6ឆ្នាំ គឺជាក្រុមក្មេងដែលប្រឈមជាងគេ។ 

២. រោគសញ្ញា 

រោគសញ្ញាជាទូទៅ លេចឡើងនៅថ្ងៃទី1ដល់ទី3 បន្ទាប់ពីការបង្ករោគមានដូចជា៖ 
- ហៀសំបោរ, តឹងច្រមុះ, ឈឺក, ក្អក, កន្តាស់។ 
- ឈឺខ្លួន ឬ ឈឺក្បាល, ក្តៅខ្លួនស្រួចស្រាវ។ 
- ល្ហិតល្ហៃ។ 

៣. ការធ្វើរោគវិនិច្ឆ័យ
ការធ្វើរោគវិនិឆ្ឆ័យ គឺធ្វើឡើងតាមរយៈប្រវត្តិរោគសញ្ញាខាងលើនឹងពិនិត្យឈាម ។ 

៣. មូលហេតុបង្ក

ភាគច្រើនបង្កដោយវិរ៉ុសដូចជា Rhinovirus A, B, C ដែលមេរោគទាំងនេះចូលក្នុងខ្លួនយើង តាមរយៈកំទិចកំទីទឹកមាត់ដែលមានក្នុងខ្យល់នៅពេលអ្នកជំងឺនិយាយ ក្អកឬ កន្តាស់ដែលមកប៉ៈពាល់ជាមួយយើងតាមរយះមាត់ ច្រមុះ នឹងភ្នែកជាដើម។ 
+ ក្នុងករណីបើមានសញ្ញារៀបរាប់ខាងលើបូករួមជាមួយសញ្ញាខាងក្រោម៖ 
- ចំពោះវ័យជំទង់មានដូចជា ក្តៅខ្លួន> 38,5 អង្សា, ក្តៅយ៉ាងតិច5ថ្ងៃឬក្តៅបាត់ៗ, ពិបាកដកដង្ហើម, តឹងច្រមុះ, ឈឺក,ឈឺក្បាល។ 
- ចំពោះកុមារមានដូចជា ក្តៅចាប់ពី38 អង្សារ, ក្តៅយ៉ាងតិចចាប់ចាប់ពី2 ថ្ងៃឡើងទៅ, ពិបាកដកដង្ហើម,ឈឺត្រចៀក នឹងសញ្ញាផ្លូវដង្ហើម។ បើមានសញ្ញាដែលបានរៀបរាប់ខាងលើត្រូវបញ្ចូនមកពិគ្រោះជាមួយគ្រូពេទ្យជាបន្ទាន់។ 

៤. ការការពារ 
-លាងសំអាតដៃអោយបានញឹកញាប់។ 
-ប្រើក្រដាស់ជូតមាត់នៅពេលកន្តាស់ឬក្អក។ -ហាមប្រើប្រាស់របស់របររួមគ្នាអំឡុងពេលឈឺ។ -ថែរក្សាសុខភាពអោយបានល្អតាមរយៈ ការញាំអាហារ ទឹកក្តៅឧណ្ហៗអោយបានច្រើន ហាត់ប្រាណនឹងសំរាកអោយបានគ្រប់គ្រាន់។ 

៥. ការព្យាបាល 
ការព្យាបាលទៅតាមមូលហេតុនែរោគសញ្ញា ក្នុងករណីបង្កដោយវិរ៉ុសមិនចាំបាច់ប្រើថ្នាំផ្សះទេតែក្នុងករណីបង្ក ដោយមេរោគបាត់តេរីមកជាមួយត្រូវប្រើប្រាស់ថ្នាំផ្សះទៅតាមវេជ្ជបញ្ជា ៕ 

បកស្រាយដោយលោក វេជ្ជបណ្ឌិត ជីវ វ៉េងដារ៉ូត (Health Education Series) 
កែសម្រួលអត្ថបទដោយ ក្រុមការងារ សុខក្រម-Sokhakrom 
នាំមកជូនដោយ មន្ទីសម្រាកព្យាបាលវឌ្ឍនៈវិជ្ជា-Vandhanak Vichea Clinic 

- សូមទាញយកកម្មវិធីសុខក្រមនៅលើកម្មវិធីទូរស័ព្ទដៃ ដោយវាយពាក្យថា Sokhakrom ក្នុង Play Store និង App Store ដើម្បីអានអត្ថបទ និងទស្សនាវីដេអូស្ដីពីសុខភាពដោយសេរី ដែលបកស្រាយដោយវេជ្ជបណ្ឌិតល្បីក្នុងប្រទេសកម្ពុជា ។ - សូមគោរពជូនលោកវេជ្ជបណ្ឌិត ដែលចង់ចែករំលែកគន្លឹះថែទាំសុខភាព សូមទំនាក់ទំនងមកកាន់ក្រុមការងារ សុខក្រម យើងខ្ញុំ ។