ជំងឺរលាកត្រចៀកអាចបណ្ដាលឱ្យមានដង្កូវក្នុងត្រចៀក
សុខភាពៈ បើលោកអ្នកទុកត្រចៀកឱ្យឈឺ (រលាកងត្រចៀក) ដោយមិនព្រមព្យាបាល ក្នុងរយៈពេល ៣ ខែ នោះសាច់ក្នុងត្រចៀកអាចរលួយ មានក្លិនមិនល្អ ហើយថ្ងៃណាបើសិនជាលោកអ្នកធ្វេសប្រហែសបណ្តាលឱ្យសត្វរុយពងដាក់ ហើយអាចកើតមានដង្កូវក្នុងត្រចៀក។ អាចនិយាយបានថា ជំងឺរលាកត្រចៀក ជាដើមហេតុធ្វើឱ្យមានដង្ហូវក្នុងត្រចៀក។ ជំងឺរលាកត្រចៀក កើតឡើងដោយសារ ពពួកមេរោគបាក់តេរី និងពពួកផ្សិត ឆ្លងចូលក្នុងត្រចៀក តាមរយៈការខ្វះអនាម័យ ការត្បារ ការខ្វេះ ការកាយអាចម៍ត្រចៀក ជាមួយសម្ភារៈដែលមានផ្ទុកមេរោគទាំងនេះ។
ដូច្នេះ ដើម្បីទប់ស្កាត់បញ្ហាដង្កូវក្នុងត្រចៀក លោកអ្នកត្រូវអនាម័យត្រចៀកខ្ពស់ ជូតសម្អាតត្រចៀកឱ្យស្ងួត កុំទុកឱ្យនៅសើមៗចៀសវាងដុះផ្សិត ព្យាបាលជំងឺរលាកត្រចៀកឱ្យទាន់ពេល នឹងការពារកុំឱ្យមេរោគ និងសត្វរុយ ឆ្លងចូលក្នុងត្រចៀក។
សូមបញ្ជាក់ថាៈ ជំងឺរលាកត្រចៀក ថែមទាំងធ្វើឱ្យវៀចមាត់ ក្រដាស់ត្រចៀករងការបំផ្លាញ មេរោគស៊ី ក្រដាសត្រចៀក និងធ្ងន់ធ្ងរ គឺរលាកស្រោមខួរក្បាល ដែលអាចបណ្ដាលឱ្យប្រកាច់ និងស្លាប់៕
- កែសម្រួលៈ សុខក្រម-Sokhakrom
- ដកស្រង់ពីៈ សុខភាព និង សម្រស់
