របៀបដុសធ្មេញ និងកម្ចាត់កំបោរតាមជើងធ្មេញ

សុខភាពៈ ការណែនាំបានបង្ហាញថា កាកសំណល់នៅក្នុងមាត់ធ្មេញយូរៗទៅ នឹងក្លាយជាក្រមរកំបោរនៅតាមជើងធ្មេញ បណ្ដាលឱ្យលោកអ្នកជួបប្រទះបញ្ហាមួយចំនួនដូចជា ដង្កូវស៊ីធ្មេញ លាកអញ្ចាញធ្មេញ ពុកធ្មេញ ឈឺធ្មេញ បញ្ហាក្លិនមាត់ ជំងឺរលាកទងសួត និងមហារីកលំពែងថែមទៀត។ 

ដើម្បីដោះស្រាយបញ្ហានេះ លោកអ្នកត្រូវធ្វើអនាម័យមាត់ធ្មេញឱ្យបានល្អ និងសម្រាប់អ្នកដែលមានកំបោរនៅតាមជើងធ្មេញអាចអនុវត្តវិធីនេះបាន។ 

របៀបសម្អាតធ្មេញ

- ប្រើថ្នាំដុះធ្មេញមានគុណភាព និងច្រាស់ដុះធ្មេញទន់ល្មើយ

- ដុះទាំងផ្ទាំងធ្មេញខាងមុខ និងខាងក្នុង

- ក្នុងមួយថ្ងៃត្រូវដុះធ្មេញឱ្យបាន ២ ទៅ ៣ ដង (ព្រឹក ល្ងាច និងមុនចូលគេង)

- រៀបចំទុកដាក់ច្រាស់ដុះធ្មេញឱ្យបានល្អ 

- ២ ទៅ ៣ ខែត្រូវប្ដូរច្រាស់ដុះធ្មេញថ្មី

របៀបសម្អាតកំបោរតាមជើងធ្មេញ

- ប្រេងដូង ១ ស្លាបព្រាបាយ យកមកខ្ពុរមាត់រយៈពេល ១០ ទៅ ១៥ នាទី ដើម្បីសម្លាប់មេរោគ និងធ្វើឱ្យកំបោរតាមជើងធ្មេញទន់ 

- បន្ទាប់មកយកច្រាស់មកដុះថ្នមៗ ហើយលាងសម្អាតចេញដោយទឹកធម្មតាជាការស្រេច។

-កែសម្រួលៈ សុខក្រម-Sokhakrom

-ដកស្រង់ពីៈ សុខភាព និង សម្រស់