ស្វែងយល់ពីជីវិតនៃសក់នៅលើស្បែកក្បាលរបស់យើង

សុខភាពៈ សក់ ជាសរីរាង្គមួយរបស់មនុស្ស ដែលជួយរំលេចភាពស្រស់ស្អាត។ សក់លើក្បាល មានប្រមាណជាពី ៧ម៉ឺនទៅ ១៥ម៉ឺនសរសៃ។ 

ដំណើរអាយុជីវិតនៃ សក់ មានដំណាក់កាល ៣ គឺៈ

ទី១- ដំណាក់កាល​លូតលាស់ ៖ សក់ចាប់ផ្ដើមលូតលាស់ជាប្រចាំក្នុងរយៈពេល ២ ទៅ ៧ ឆ្នាំ។ 

ទី២- ដំណាក់កាលសម្រាក ៖ សក់លែងលូតលាស់ ហើយចាប់ផ្ដើមសម្រាក ឈប់ដុះលូតទៀត។ 

ទី៣- ដំណាក់កាលជ្រុះ ៖ សក់ចាប់ផ្ដើមងាប់ និងជ្រុះចេញពីក្បាល និងសរសៃសក់ថ្មីដុះមកជំនួសវិញ។ ការជ្រុះសក់ចាស់ ដុះសក់ថ្មីជំនួសវិញនេះ អាចសារចុះសារឡើង ចំនួនប្រមាណ​ជា២៥ដង ក្នុងមួយ​ជិវិតមនុស្ស។ 

ក្នុងករណីដែលសក់ជ្រុះមុនវ័យ ឬជ្រុះច្រើនលើសពីធម្មតា សូមប្រញាប់រកថ្នាំលាបបណ្ដុះសក់ ឬផលិតផលបណ្ដុះសក់ផ្សេងៗទៀត ដែលមានការទទួលស្គាល់ត្រឹមត្រូវពីអ្នកជំនាញ៕ 

-កែសម្រួលៈ សុខក្រម-Sokhakrom

-ដកស្រង់ពីៈ សុខភាព និង​សម្រស់