វិធីបង្ការ និងព្យាបាលជម្ងឺរលាកទងសួតតាមរយៈការប្រើប្រាស់ថ្នាំ

សុខភាពៈ ជាធម្មតា ក្នុងការព្យាបាលជម្ងឺរលាកទងសួត គ្រូពេទ្យមិនណែនាំឱ្យប្រើថ្នាំផ្សះទេ គឺប្រើ​ថ្នាំពពួក​ប៉ារ៉ា​សេតា​ម៉ុល ថ្នាំ​បំបាត់​អាលែក​ហ្ស៊ី និងកាត់​ស្លេស​កាត់​សំបោរ​ជាដើម។ ជម្ងឺរលាកទងសួតកម្រិតស្រាល អាចព្យាបានជាសះស្បើយ ក្នុងរយៈពេលប្រមាណជា ៥ ថ្ងៃ។ តែដោយឡែកជម្ងឺរលាកសួតធ្ងន់ធ្ងរ ដំបៅមានខ្ទុះ ការព្យាបាលអាចទាមទារឱ្យមានប្រើថ្នាំផ្សះ នឹងប្រើថ្នាំផ្សេងៗទៀតក្នុងកម្រិតខ្ពស់ទៅតាមនោះដែរ។ តែទោះជាយ៉ាងណា ដំបូន្មានល្អបំផុត សម្រាប់អ្នកសង្ស័យ ឬកំពុងតែព្យាបាលជម្ងឺរលាកទងសួត គួរតែពិគ្រោះ នឹងអនុវត្តតាមការណែនាំពីវេជ្ជបណ្ឌិតជំនាញ។ 

ដើម្បីបង្ការកើតជម្ងឺរលាកទងសួត

- រស់ក្នុងទីកន្លែងដែលមានសីតុណ្ហភាពនៃបរិយាកាស មិនក្ដៅ និងត្រជាក់ពេក 

- មិនត្រូវរស់នៅក្នុងស្ថានភាពដែលហាលភ្លៀង ហាលខ្យល់ និងមានសន្សើម

- បរិយាកាសនៅជុំវិញ ត្រូវមានអនាម័យ ព្យាយាមនៅឱ្យឆ្ងាយពីទីកន្លែងមានធូលីហុយ ផ្សេងកខ្វក់ កន្លែងមានក្លិនមិនល្អជាដើម

- ជម្ងឺរលាកទងសួតងាយឆ្លងណាស់ គួរតែដាក់អ្នកជំងឺនៅឱ្យឆ្ងាយពីគេឯង ជាពិសេសក្មេងអាយុក្រោម ១០ ឆ្នាំ នឹងប្រញ៉ាប់ប្រញាលនាំអ្នកជំងឺទៅព្យាបាលឱ្យបានទាន់ពេលវេលា។ 

- ក្នុងករណីអ្នកកើតជម្ងឺរលាកទងសួត ព្យាបាលមិនទាន់ពេលវេលា គឺអាចបណ្ដាលឱ្យបាត់បង់ជីវិត ដោយមូលហេតុ អ្នក​ជម្ងឺពិបាក​ក្នុងការ​ដក​ដង្ហើម ដោយស្ទះ​ៗនឹងកង្វះ​អុកស៊ី​សែនក្នុង​ឈាម៕

-កែសម្រួលៈ សុខក្រម-Sokhakrom

-ដកស្រង់ពីៈ សុខភាព និង​សម្រស់