អត្ថប្រយោជន៍ទាំង ១៣ យ៉ាង ដែលទទួលបានពីផ្លែ មង្ឃុត

សុខភាព៖ មង្ឃុត ជាផ្លែឈើមួយប្រភេទ ដែលសម្បូរវីតាមីន និងសារជាតិសំខាន់ៗ ហុចផលល្អចំពោះសុខភាព។ 

មង្ឃុត ផ្ទុកនូវសារជាតិខនិជជាច្រើន ដូចជា ម៉ាញ៉េស្យូម ដែក សាំងកាសី និង ប៉ូតាស្យូម និងវីតាមីន B C និង E រួមទាំងសារជាតិ antioxidants និងផ្ទុកសារធាតុរ៉ែជាច្រើនទៀត ដែលផ្ដល់អត្ថប្រយោជន៍ដ៏អស្ចារ្យចំពោះសុខភាព។ 

ខាងក្រោមនេះ ជាអត្ថប្រយោជន៍ទាំង ១៣ យ៉ាង ដែលទទួលបានពីផ្លែមង្ឃុត។ 

១. ជាតិកាកសរសៃ (fiber) ក្នុងផ្លែមង្ឈុត ជួយទប់ស្កាត់មិនឱ្យអ្នកទទួលទានប្រឈមមុខនឹងជម្ងឺធាត់ និងលើសទម្ងន់។ 

២. ជួសជុលគ្រឿង​ក្នុង​សារ​ពាង្គកាយ​ឲ្យបាន​ល្អ​ឡើង​វិញ រួមទាំងប្រឆាំងនឹង វីរុស និង បាក់តេរី ដូចជាជំងឺ គ្រុនក្តៅ និងផ្តាសាយធម្មតាជាដើម។ 

៣. បង្កើនកោសិកាឈាមក្រហម និងជួយការពារកុំឲ្យកើតជំងឺខ្វះឈាម ធ្វើឱ្យឈាមរត់បានស្រួល ជួយទប់ស្កាត់បញ្ហាប្រឈមមុខនឹងជម្ងឺគាំងបេះដូង ការកើនឡើងជាតិខ្លាញ់ និង ការឈឺចុកចាប់ត្រង់ទ្រូងជាដើម ។

៤. កាត់បន្ថយជាតិខ្លាញ់ក្នុងរាងកាយ។ 

៥. ជួយទប់ស្កាត់បញ្ហាប្រឈមនឹងរបេង និងជម្ងឺឆ្លងផ្សេងៗទៀត ប្រឆាំងនូវ បាក់តេរីច្រើនប្រភេទ ហើយវា អាចជួយឲ្យ ប្រព័ន្ធសុំាក្នុងរាងកាយខ្លាំងក្លា ។

៦. ជម្រុញដល់ការជួសជុលកោសិកាដែលងាប់ និងការពារពីការកើតជំងឺមហារីក និងជំងឺនានា ដែលទាក់ទងនឹងសរសៃឈាមនិង បេះដូង។ 

៧. ប្រឆាំងនឹងជម្ងឺដាច់សរសៃឈាម ការពារមិនឱ្យលើសសំពាធឈាម និងការស្លាប់មួយចំហៀងខ្លួន ដែលបណ្ដាលមកពីលើសសម្ពាធឈាម។ 

៨. ជំនួយដល់សុខភាពឆ្អឹង ដែលជួយប្រឆំាងនឹងការរលាកសន្លាក់ (ពិសា ២ ទៅ ៣ ផ្លែក្នុងមួយថ្ងៃ)។

៩. ជំនួយដល់ប្រព័ន្ធចងចាំ ប្រឆាំងនឹងជម្ងឺភ្លេចភ្លាំង ឬវង្វេងវង្វាន់ពេលចាស់ជរា ។ 

១០. ជំនួយដល់សុខភាពស្បែក ធ្មេញ មិនឱ្យឆាប់ចាស់ និងខូច រួមទាំងជួយថែរក្សាស្បែកដូចជា ការពារ ពីជំងឺ មុន ជំងឺស្បែកស្ងួត និង រលោកស្បែកផងដែរ។ 

១១. ប្រឆាំងនឹងរ៉ាឌីកាល់ ដែលធ្វើមនុស្សមានអារម្មណ៍តានតឹង។  

១២. ជួយសម្រួលកម្រិត​អង្គ​បដិបក្ខ​ការពារ​រាងកាយ​ឲ្យ​មាន​តុល្យភាព ធ្វើ​ឲ្យ​បន្ថយ​អាការ​ពាក់ព័ន្ធ​នឹង​ប្រតិកម្ម​បដិបក្ខ​ខ្លួនឯង និង​ការ​រលាក ដូចជា ខ្សោយ​ថ្លើម ខ្សោយតម្រងនោម ទឹកនោមផ្អែម រលាក​សន្លាក់ លើសឈាម ជំងឺ​ផា​គីន​សាន់ (Parkinson) ជំងឺ​ក្រ​ពេញទី​រ៉ូ​អ៊ី​ដ និង​ភាពខុសប្រក្រតី​របស់​ខួរក្បាល ដែល​បណ្តាលមកពី​ការ​រលាក​ជាដើម ។

១៣. មង្ឃុតផ្ទុកសារធាតុ​មាន​ប្រសិទ្ធភាព និង​មាន​សុវត្ថិភាព​ខ្ពស់ គឺ​សារធាតុ​ជី​អឹម​-១ (GM) ដែល​គេ​អាច​យកទៅ​ប្រើ​ជា​សមាសធាតុ​ផ្សំ​របស់​គ្រឿងសម្អាង សម្រាប់​អ្នកមាន​បញ្ហា​សភាព​ស្បែក​រ៉ាំរ៉ៃ ដោយសារ​មុន និង​អាការ​ប្រតិកម្ម។

សូមបញ្ជាក់ថាៈ ថ្វីត្បិតតែផ្លែមង្ឃុត ផ្ដល់អត្ថប្រយោជន៍ច្រើនមែន តែលោកអ្នកមិនគួរទទួលទានផ្លែមង្ឃុតច្រើនពេកទេ ព្រោះវាធ្វើឱ្យមានជាតិពុលក្នុងថ្លើម តម្រងនោមប្រឈមជម្ងឺមហារីក បន្ថយបរិមាណគ្រាប់ឈាមស នឹងធ្វើឱ្យប្រព័ន្ធការពាររាងកាយចុះខ្សោយ។ 

-កែសម្រួលៈ សុខក្រម-Sokhakrom 

-ដកស្រង់ពីៈ ព័ត៌មានក្នុងស្រុក និងបរទេស