តើការថែទាំសម្រស់លើផ្ទៃមុខនាពេលព្រឹកព្រលឹមគួរធ្វើអ្វីខ្លះ?

សុខភាព៖ ការថែទាំសម្រស់នាពេលព្រឹកព្រលឹម បន្ទាប់ពីក្រោកពីគេង គឺជារឿងចំបាច់មួយរបស់យុវវ័យ ជាពិសេសគឺសុភាពនារីផ្ទាល់តែម្ដង។ 

ខាងក្រោមនេះ ជាការណែនាំមួយចំនួនទាក់ទងនឹងការថែទាំសម្រស់នាពេលព្រឹក។ 

- អ្នកគួរសម្អាតស្បែកមុខរបស់អ្នកជាមួយនឹងទឹកក្តៅឧណ្ឌៗលុបលាងមុខជាមួយនឹងហ្វូមដែលផ្តល់សំណើម។ 

- លុបលាងមុខដោយប្រើទឹកក្ដៅឧណ្ហៗ ជាមួយនឹងហ្វូមដែលផ្តល់សំណើម។ 

- សូមកុំយកកន្សែងជូតខ្លួន មកជូនត្រង់បរិវេណផ្ទៃមុខ គួរមានកន្សែងសាច់ទន់ផ្សេងសម្រាប់ជូតមុខ។  

- ជ្រើសរើសផលិតផលលុបលាងសម្អាតផ្ទៃមុខ ដែលត្រូវនឹងស្បែករបស់លោកអ្នក នឹងមានគុណប្រយោជន៍ច្រើន ដូចជា កាត់បន្ថយជាតិខ្លាញ់ បាក់តេរី ការពារកម្ដៅថ្ងៃ ...។ 

- មនុស្សមួយចំនួន យកសាប៊ូដុំដុសខ្លួន មកដុសលើផ្ទៃមួយ គឺជាទង្វើដែលពុំត្រូវទេ ព្រោះវានឹងបង្កបញ្ហាប្រឈមដល់ស្បែកផ្ទៃមុខពេលក្រោយ។

- លាបក្រែមការពារកម្តៅថ្ងៃ ដែលផ្តល់សំណើមខ្ពស់បំផុតដល់ស្បែក។

- រាល់ការម៉ាស្សា និងជូតលើផ្ទៃមុខ ត្រូវធ្វើឡើងដោយថ្នមៗ មិនត្រូវដុសបង្ខំដូចលាងសម្អាតខ្លួននោះទេ 

ជាមួយគ្នានេះដែរ ការគេងឱ្យបានគ្រប់គ្រាន់ ញ៉ាំទឹកឱ្យបានច្រើនក្នុងមួយថ្ងៃ និងចៀសវាងការនៅក្រោមកម្ដៅថ្ងៃ ក៏ជាកត្តាផ្ដល់គុណប្រយោជន៍ដល់ស្បែកលើដងខ្លួន និងផ្ទៃមុខផងដែរ៕  

- កែសម្រួល និងស្រាវជ្រាវដោយៈ សុខក្រម-Sokhakrom 

- ប្រភពៈ ព័ត៌មានក្នុងស្រុក