សុខភាព៖ បំពេញរាជ្យ ឬកំពីងរាជ្យ ជាផ្លែឈើមានដើមកំណើតនៅឥណ្ឌូចិន និងម៉ាឡេស៊ីភាគខាងលិច។
បំពេញរាជ្យ ជាផ្លែឈើហូបផ្លែ មានរសជាតិជូរអែម និងផ្ដល់អត្ថប្រយោជន៍ចំពោះអ្នកទទួលទានវា។
ខាងក្រោមនេះជាអត្ថប្រយោជន៍នៃផ្លែបំពេញរាជ្យ៖
- ផ្ទុកវីតាមីន C ជួយការពាររាងកាយពីជម្ងឺ
- ផ្ទុកជាតិដែក ជួយបង្កើនកោសិកាឈាមក្រហមក្នុងរាងកាយ ដើរតួនាទីសំខាន់ក្នុងការផ្ដល់អុកស៊ីសែន ជម្រុញឱ្យប្រព័ន្ធគ្រប់គ្រងរបស់ខួរក្បាលមានដំណើរការល្អ រក្សាសីតុណ្ហភាពក្នុងរាងកាយ និងទប់ទល់ការស្លេកស្លាំង - ដែលបណ្ដាលមកពីជម្ងឺស្លេកស្លាំង និងសំពានឈាមទាប។
- ផ្ទុកជាតិសរសៃ និងអ៊ីដ្រាតជួយសម្រួលដល់ប្រព័ន្ធរំលាយអាហារ ការបន្ទោរបង់
- សម្រាប់អ្នកចង់ស្រកទម្ងន់ គួរតែឧស្សាហ៍ញ៉ាំផ្លែបំពេញរាជ្យ ព្រោះវា មានផ្ទុកសារធាតុជួយសម្រកទម្ងន់
- ផ្ទុកជាតិកាលស្យូម ជួយបំប៉ន និងពង្រឹងឆ្អឹង ជួយការពារពីជម្ងឺពុកឆ្អឹង
- ផ្ទុកជាតិជាតិប៉ូតាស្យ៉ូម ដើរតួរយ៉ាងសំខាន់ សំរាប់ប្រព័ន្ធសរសៃប្រសាទ
- បន្ថែមពីលើនេះ ផ្លែបំពេញរាជ្យ ត្រូវបានគេយកទៅផ្សំធ្វើជាឱសថសម្រាប់ព្យាបាលជម្ងឺថែមទៀតផង។
សូមបញ្ជាក់ថា ដើមឡើយផ្លែឈើនេះ មានឈ្មោះថា "លោះ" ក្រោយមកក្នុងរជ្ជកាលព្រះបាទ ព្រះបាទឧទ័យរាជា ទ្រង់បានសព្វព្រះរាជហឬទ័យ ប្រទានឈ្មោះឲ្យផ្លែលោះនេះថា “បំពេញរាជ្យ” វិញ តែអ្នកខ្លះហៅក្លាយថា “កំពីងរាជ្យ”៕
-កែសម្រួល និងស្រាវជ្រាវដោយៈ សុខក្រម-Sokhakrom
-ប្រភពៈ ព័ត៌មានក្នុងស្រុក