មូលហេតុដែលបណ្ដាលឱ្យធ្មេញសប្រែទៅជាលឿង និងខ្មៅ
សុខភាព៖ ជាការពិតណាស់ អាហារមួយចំនួនពិតជាមូលហេតុធ្វើឱ្យធ្មេញរបស់យើង ប្រែពណ៌ពី ស ទៅជា លឿង។
អាហារទាំងអស់នោះ មានដូចជា តែខ្មៅ ផ្លែប៊ឺរី ស្ករគ្រាប់ ទឹកផ្លែឈើស្រស់ ស្រាក្រហម ភេសជ្ជៈ សូកូឡា កាហ្វេ តែ និងការជក់បារីជាដើម។ ជាមួយគ្នានេះដែរ អាចមកពីទទួលទានអាហាររួចហើយ មិនព្រមលាងសម្អាតធ្មេញរបស់លោកអ្នកតាមការកំណត់។
ចំពោះស្រ្តីពរពោះ ការទទួលទានអាហារកង្វះជាតិរ៉ែ និងក្មេងកើតមកខ្វះជីវជាតិអាហារបំប៉ន ដូចជា កាល់ស្យូម និងផ្លុយអរ សុទ្ធតែប្រឈមនឹងបញ្ហាធ្មេញលឿង។
ដោយឡែក ចំពោះបញ្ហាធ្មេញខ្មៅ គឺកើតឡើងនៅពេលដែលធ្មេញខូច ដែលជាលក្ខខណ្ឌពិសេសមួយរបស់ធ្មេញ ដែលប្រែពណ៌ពីស ទៅលឿង និងចុងក្រោយប្រែជាខ្មៅ។
ផលប៉ះពាល់ដោយសារតែធ្មេញខ្មៅ ឬលឿង វាមិនអាក្រក់ធ្ងន់ធ្ងរនោះទេ គឺគ្រាន់តែធ្វើឱ្យយើងបាត់បង់សម្រស់ ខ្វះជំនឿលើខ្លួនឯងក្នុងការបង្ហាញស្នាមញញឹម។
សូមបញ្ជាក់ថា ការកង្វះអនាម័យសម្អាតមាត់ធ្មេញពុំបានទៀងទាត់ និងត្រឹមត្រូវ គឺជាមូលហេតុសំខាន់មួយ ដែលធ្វើឱ្យធ្មេញរបស់យើងប្រែពីពណ៌ស ទៅជាលឿង និងអាចប្រឈមនឹងបញ្ហាធ្មេញខូច៕
– កែសម្រួលៈ សុខក្រម-Sokhakrom
– ដកស្រង់ពីៈ សុខភាពក្នុងស្រុក
