វិធីទប់ស្កាត់បញ្ហាស្បែកខូចដោយសារតែកម្ដៅព្រះអាទិត្យ
សុខភាព៖ ដើម្បីទប់ស្កាត់បញ្ហាស្បែកខូចដែលបណ្ដាលមកពីកម្ដៅថ្ងៃនៃពន្លឺព្រះអាទិត្យ លោកអ្នកគួរតែអនុវត្តតាមការណែនាំខាងក្រោមនេះ។
- ងូតទឹកដោះសាប៊ូធម្មតាជារៀងរាល់ថ្ងៃ ដើម្បីលាងភាពកខ្វក់ និងជម្រុះកោសិកាដែលងាប់
- ដុសខាត់ស្បែកមួយសប្ដាហ៍ឱ្យបានម្ដង ឬពីរដង ដើម្បីជម្រុះកោសិកាងាប់ និងឆាប់បណ្ដុះកោសិកាស្បែកវិញ
- ប្រើឡេការពារស្បែកជាប្រចាំ មិនត្រឹមតែការពារស្បែកពីការខូចខាតដោយសារកម្ដៅថ្ងៃនោះទេ ថែមទាំងបន្ថយការប្រឈមជម្ងឺមហារីកស្បែកថែមទៀតផង
- ស្បែកពិតជាត្រូវការសំណើមជាខ្លាំង ដូច្នេះលោកអ្នកគួរតែបង្កើនការផឹកទឹកឱ្យបានច្រើន ដើម្បីផ្ដល់សំណើមដល់ស្បែកពីខាងក្នុង
- ប្រើថ្នាំវីតាមីនដែលបំប៉នដល់ស្បែក (ពិគ្រោះជាមួយគ្រូពេទ្យសើរស្បែកជាមុន មុននឹងសម្រេចចិត្តប្រើប្រាស់ថ្នាំវីតាមីនប្រភេទនេះ)
- ប្រើក្បែមបំប៉នដល់ស្បែកឱ្យភ្លឺរលោង និងកម្ចាត់ស្នាមខ្មៅដែលបណ្ដាលមកពីកម្ដៅថ្ងៃ។
សូមបញ្ជាក់ថា ក្នុងការថែទាំសុខភាពស្បែករបស់លោកអ្នក ជាពិសេសសុភាពនារី ការទទួលយកសេវាប្រឹក្សាជាមួយអ្នកឯកទេសស្បែកគឺជារឿងសំខាន់ដែលមិនគួរមើលរំលង៕
– កែសម្រួលៈ សុខក្រម-Sokhakrom
– ដកស្រង់ពីៈ សុខភាពក្នុងស្រុក
