វិធី ៣ យ៉ាងពីអំពិលទុំ ជួយធ្វើឱ្យស្បែកមុខស ម៉ដ្ឋ រលោង និងបំបាត់ខ្លាញ់

សុខភាព​៖ អំពិលទុំ ជាប្រភេទផ្លែឈើហូបផ្លែ ដែលត្រូវបានគេយកទៅផ្សំសម្រាប់ថែរក្សាស្បែក។ 

ជាការពិតណាស់ អំពិលទុំ ផ្ទុកនូវសារធាតុប្រឆាំងអុកស៊ីតកម្ម Flavanoids វីតាមីន A វីតាមីន C ដែលអាចជួយប្រឆាំងនឹងរ៉ាឌីកាល់សេរី បន្ថយការរលាក ព្រមទាំងជំនួយដល់សុខភាពស្បែក ដូចជា បំបាត់ខ្លាញ់ បំបាត់ស្នាមជ្រីវជ្រួញ ធ្វើឱ្យស្បែកមុខ-ស និងទន់រលោង។ 

ខាងក្រោមនេះជាអត្ថប្រយោជន៍នៃផ្លែអំពិលទុំ៖ 

១- យកល្បាយអំពិលទុំក្នុងបរិមាណ ១ កូនស្លាបព្រា ដាក់ដាំឱ្យពុះ ទុកឱ្យត្រជាក់។ បន្ទាប់មកយកម្សៅរមៀត កន្លះស្លាបព្រាកាហ្វេ ដាក់លាយបញ្ចូលគ្នារួចកូរឱ្យសព្វ។ សូមយកល្បាយនោះ មកលាបលើមុខទុកចោល ២០ នាទី សឹមលាងមុខចេញជាការស្រេច។ 

២- យកល្បាយទឹកអំពិលទុំ ១កូនស្លាបព្រា លាយជាមួយនឹងទឹកក្រូចឆ្មារសម្បកលឿង ១កូនស្លាបព្រា និងទឹកឃ្មុំ ១កូនស្លាបព្រា រួចកូរចូលគ្នាឱ្យសព្វ។ សូមយកល្បាយនេះលាបនៅលើមុខទុកចោល ប្រមាណជា ១៥នាទី ចាំលាងចេញជាមួយនឹងទឹកក្តៅឧណ្ហៗជាការស្រេច។

៣- យកល្បាយទឹកអំបិលទុំ ១ស្លាបព្រា លាយជាមួយនឹងអំបិលសមុទ្រ ឬអំបិលធម្មជាតិ ១ស្លាបព្រា (អំបិលក្រួស) កូរចូលគ្នាឱ្យសព្វ រួចលាបម៉ាស្សាលើផ្ទៃមុខថ្នមៗឱ្យសព្វតែម្តង សឹមលាងមុខចេញជាការស្រេច។ 

សូមបញ្ជាក់ថា លោកអ្នកអាចជ្រើសរើសវិធីណាមួយក៏បាន ប្រសិនបើយល់ថា ងាយស្រួលធ្វើសម្រាប់លោកអ្នក៕ 

– កែសម្រួលៈ សុខក្រម-Sokhakrom

– ដកស្រង់ពីៈ សុខភាពក្នុងស្រុក