បំបាត់ស្នាមចាស់ជ្រីវជ្រួញ និងមុនក្បាលខ្មៅយ៉ាងងាយបំផុត

សុខភាព៖ សម្រាប់លោកអ្នកដែលចង់កម្ចាត់ស្នាមចាស់ជ្រីវជ្រួញ និងមុនក្បាលខ្មៅនៅលើផ្ទៃមុខ សូមអនុវត្តវិធីសាស្រ្តបែបធម្មជាតិខាងក្រោមនេះ៖ 

គ្រឿងផ្សំ៖ 

- ខ្ទឹមស ២ ទៅ ៣ កម្ពឹស

- ប្រេងអូលីវ ២ ស្លាបព្រាបាយកន្លះ

- ទឹកឃ្មុំ ២ ស្លាបព្រាបាយ 

វិធីធ្វើ៖

- បកខ្ទឹមសឲ្យស្អាត រួចកិនវាឱ្យម៉ដ្ឋ

- បន្ទាប់មកលាយគ្រឿងផ្សំទាំងអស់ចូលគ្នាឱ្យសព្វក្លាយជាល្បាយ រួចលាបនៅលើផ្ទៃមុខហើយទុកចោលរយៈពេល ១៥ នាទី រួចលាងសម្អាតចេញជាការស្រេច។

- សូមអនុវត្តវិធីសាស្រ្តបែបធម្មជាតិនេះយ៉ាងហោចណាស់ឱ្យបានមួយថ្ងៃ ១ដង និងពេញមួយសប្ដាហ៍ ដើម្បីទទួលបានលទ្ធផលគួរជាទីគាប់ចិត្ត។ 

មួយវិញទៀត ដោយសារតែខ្ទឹមស ផ្ទុកសារធាតុកម្ចាត់មេរោគ ទើបជាមូលហេតុដែលលោកអ្នកអាចយកខ្ទឹមសបកសំបកចេញ រួចចិតជាចំណិតៗ ហើយយកមកជូតនៅលើមុន (ជូតចុះជូតឡើងមួយសន្ទុះ) នោះរយៈពេលមិនយូរឡើយ មុននឹងក្រាបទៅវិញជាក់ជាមិនខាន។  

ចំណាំ៖ ខ្ទឹមស ផ្ទុកនូវសារធាតុជួយកម្ចាត់មុនក្បាលខ្មៅ ជម្រុញដល់ការលូតលាស់កោសិកា និងកម្ចាត់មេរោគចេញពីស្បែកផងដែរ។ ដោយឡែកទឹកឃ្មុំ និងប្រេងអូលីវ ក៏ផ្ទុកនូវសារជាតិជំនួយដល់ផ្ទៃមុខផងដែរ។ 

– ស្រាវជ្រាវ និងកែសម្រួលដោយ៖ សុខក្រម – Sokhakrom

– ប្រភព៖ ព័ត៌មានក្នុងស្រុក និងបរទេស