ពិបាកដកដង្ហើម និងដកដង្ហើមបានតែមួយចំហៀងច្រមុះមែនទេ?
សុខភាព៖ ប្រសិនបើអ្នកមានអារម្មណ៍ថាពិបាកដកដង្ហើម ដោយសារតែអ្នកដកដង្ហើមបានតែមួយចំហៀងច្រមុះ និងឧស្សាហ៍ចេញឈាមតាមច្រមុះ គឺវាអាចជារោគសញ្ញា វៀចឆ្អឹងច្រមុះងាកមកម្ខាង ឬអាចមានដុះសាច់នៅក្នុងរន្ធច្រមុះម្ខាង។
ដោយឡែក ប្រសិនបើអ្នកមានអារម្មណ៍ថា ពិបាកដកដង្ហើម និងឧស្សាហ៍តឹងណែនក្នុងទ្រូង មានអារម្មណ៍ថាដូចជាខ្វះអុកស៊ីហ្សែន ហើយអ្វីដែលគួរឱ្យកត់សម្គាល់នោះ គឺស្រាប់តែពិបាកក្នុងការដកដង្ហើមភ្លាមៗទាំងដែលខ្លួនពុំបានធ្វើអ្វីសោះ វាអាចជារោគសញ្ញាមួយដែលបញ្ជាក់បានថា អ្នកកំពុងតែជួបប្រទះបញ្ហាសុខភាពដែលអាចជាប់ទាក់ទងនឹងជំងឺមួយចំនួន៖
- ជំងឺហឺត
- ជំងឺទាក់ទងនឹងសួរ ដូចជា រលាកសួត
- ជំងឺស្ទះប្រព័ន្ធដកដង្ហើមរ៉ាំរ៉ៃ
- រោគថប់បារម្ភ
- ជំងឺពាក់ព័ន្ធនឹងបេះដូង ដូចជា គាំបេះដូង
- អាលែកស៊ី
- ធាត់លើសទម្ងន់
- ជំងឺមហារីក
ដូច្នេះ ប្រសិនបើអ្នកស្ថិតក្នុងអាការ ឬយល់ថាខ្លួនឯងកំពុងតែមានរោគសញ្ញាខាងលើ សូមរុះរាន់មកជួបជាមួយគ្រូពេទ្យជំនាញធ្វើរោគវិច្ឆ័យច្បាស់លាស់ ដើម្បីព្យាបាលឱ្យបានទាន់ពេលវេលាចៀសវាងទុកឱ្យជំងឺវិវត្តន៍កាន់តែធ្ងន់ធ្ងរ៕
-ស្រាវជ្រាវ និងកែសម្រួលដោយ៖ សុខក្រម (Sokhakrom)
