ផ្កាម៉ោងបួន ឫផ្កាយួន 

Mirabilis jalapa L 

ផ្នែកដែលប្រើប្រាស់

រុក្ខជាតិនេះទាំងមូល

ការប្រើប្រាស់ជាឱសថ

គេប្រើប្រាស់រុក្ខជាតិនេះទាំងមូល ធ្វើជាឱសថព្យាបាលជំងឺដូចជា ដុះសាច់បំពងក រលាកផ្លូវនោម និងផ្លូវបន្តពូជ រដូវមិនទៀង ក្អកធ្លាក់ឈាម ទឹកនោមផ្អែម រលាកដោះ បិតបូស បិតតាអក ។ ផ្កា ព្យាបាល ក្អកចេញឈាម ។  

កម្រិតនៃការប្រើប្រាស់៖ ឫសពី ១៥-២០ ក្រាម ដាំទឹកផឹក ។ ហាមស្រ្តីមានផ្ទៃពោះពិសា ។

ជម្រក

ផ្កាម៉ោងបួន ជារុក្ខជាតិដុះតាមគ្រាប់គេដាំលំអសួន ។ 

ពិពណ៌នា

រុក្ខជាតិនេះ ជាប្រភេទស្មៅកំពស់ពី ០,២ - ១ ម៉ែត្រ ដើមត្រង់បែកមែក និងមានថ្នាំងធំៗ ។ ស្លឹករាងដូចបេះដូង ដុះទល់ទងគ្នា រលោង ។ ផ្កា មានពណ៌ស្វាយ​ សផ្កាឈូក ពណ៌លឿង ក្លិនក្រអូបខ្លាំងនៅកណ្ដាលយប់ ឆែកជា៥ត្របកផ្កាត្រកួន ។ ផ្លែទុំពណ៌ខ្មៅ សំបកជ្រួញ នៅក្នុងផ្លែមានម្សៅ ។

ឯកសារយោង

កែសម្រួលដោយ៖ សុខក្រម (Sokhakrom) 

ដក់ស្រង់ពី៖ សៀវភៅរុក្ខជាតិឱសថកម្ពជា (Cambodia Medical Plant) បោះពុម្ភឆ្នាំ២០០៦