ផ្កាអាចម៍កណ្ដុរ

Ipomoea quamoclit

ផ្នែកដែលប្រើប្រាស់

រុក្ខជាតិទាំងមូល

ការប្រើប្រាស់ជាឱសថ

គេប្រើប្រាស់រុក្ខជាតិនេះទាំងមូលធ្វើជាឱសថ ព្យាបាលជំងឺដូចជាៈ 

-សន្លឹកព្យាបាលបូសៈ បុកបិតកន្លែងឬសដូងបានចេញឈាម រមាស់ នោមទាស់។

-ដើមព្យាបាលពស់ចឹក (នៅឥណ្ឌា)

កម្រិតនិងរបៀបប្រើៈ ៨ - ១២ក្រាម ក្នុងមួយថ្ងៃ។ 

ជម្រក

ផ្កាអាចម៍កណ្ដុរ ជារុក្ខជាតិដាំតាមរបង លំអគេហដ្ឋាន។

ពិពណ៌នា

ផ្កាអាចម៍កណ្ដុរ ជាប្រភេទវល្លិ៍រស់បានយូរឆ្នាំ ដើមរលីងអត់រោម។ ស្លឹកដូចស្រកីត្រី ដុះពីរជួរអមធាងសន្លឹក។ ផ្កាចេញពីប្រគាបសន្លឹក ពណ៌ក្រហម ៥ ជ្រុងទងប្រវែង ៣ សង់ទីម៉ែត្រ។ ផ្លែរាងពងមាន់គ្រាប់ពណ៌ខ្មៅ រាងដូចអាចម៍កណ្ដុរ។ 

ឯកសារយោង

-ដកស្រង់ពីៈ សៀវភៅរុក្ខជាតិឱសថកម្ពុជា (Cambodia Medical Plant) បោះពុម្ភឆ្នាំ២០០៦

-កែសម្រួលដោយៈ សុខក្រម