បាយម៉ាត

Blumea balsamifeara DC

ផ្នែកដែលប្រើប្រាស់

ស្លឹក

ការប្រើប្រាស់ជាឱសថ

គេប្រើប្រាស់ស្លឹកនៃរុក្ខជាតិនេះធ្វើជាឱសថព្យាបាលជំងឺដូចជា ជំងឺក្រពះ មិនរលាយអាហារ ចុកពោះ ដំបោះពោះវៀន គ្រុនក្ដៅហើមសន្លាក់ ជំងឺឆ្អឹងហើមសម្លាក់ គ្រុនចាញ់ ។  

កម្រិតនៃការប្រើប្រាស់៖ ស្លឹកកិនជាទឹក កម្រិត ២៤មីលីលីត្រ ឫម្សៅស្ងួតពី ២-៤ ក្រាម ផឹកសម្រាប់ព្យាបាល រោគក្រពះ ចុកពោះ គ្រុន និងដំបោះពោះវៀន ។ ស្លឹកស្រស់បុក ឫ កិនសម្រាប់ប្រើបំពោកលើសន្លាក់ និងជំងឺឆ្អឹង ។ ទឹកស្លឹកកិនផឹកពី ២០៦០មីលីលីត្រ សម្រាប់ព្យាបាលគ្រុនចាញ់ និងសម្រាប់បន្តក់ដាក់ភ្នែក ករណីឈឺភ្នែក ។

ជម្រក

បាយម៉ាត គឺជារុក្ខជាតិដុះដោយឯងៗ គ្រប់ទីកន្លែងក្នុងប្រទេសកម្ពុជា ។ 

ពិពណ៌នា

រុក្ខជាតិនេះ ជាប្រភេទចុល្លព្រឹក្សពណ៌បៃតង ដើមដុះត្រង់មានរោម ។ ស្លឹករាងជាផ្លែលំពែងទ្រវែង មានរាងធ្មេញរណា ។ កញ្ចុំផ្កានៅខាងចុង ផ្កាតូចៗច្រើន ពណ៌លឿងភាវ ។ ផ្លែតូចៗ ស្ងួតរឹងរលោង ។

ឯកសារយោង

កែសម្រួលដោយៈ សុខក្រម (Sokhakrom)

ដក់ស្រង់ពី៖ សៀវភៅរុក្ខឱសថកម្ពុជា បោះពុម្ពដោយថវិកាជាតិឆ្នាំ២០០៦